ئۆغلۆ : توركیا رژدە لسەر دەرباسبوونا دەڤەرا رۆژهەلاتێ چەمێ فەراتێ

ارك نيوز .. وەزیرێ دەرڤە یێ توركیێ تەكەز كر كو توركیێ د زووترین دەم دە وێ دەرباسی دەڤەرا رۆژهەلاتێ چەمێ فەراتێ ببە .

د كونگرەكی رۆژنەمەڤانی دە موولود چاویش ئۆغلۆ وەزیرێ دەرڤە یی توركیێ راگهاند كو بەری بریارا ڤەكشاندنا هێزێن ئەمەریكی ژ سوریێ ئەنقەرا و واشنتن رێكەفتن لسەر بداوئانینا نەخشەرێیا باژارێ منبجێ وگۆت كو وەلاتێ ئەمەریكا یدانپێدان ب دەرەنگخستنا جیبجیكرنا رێكەفتنێن دەرباری منبجێ كر .

وەزیرێ دەرڤە یی توركیێ تەكەز ژی كر كو توركیێ وێ د هەماهەنگیێا خوە دە لگەل ئەمەریكا لسەر هەردوو ئاستێن دبلوماسی و لەشكەری دەرباری پرۆسەیا ڤەكشاندنا هێزێن ئەمەریكی ژ سوریی بەردەوامبە .

وەزیرێ دەرڤە یی توركیێ لسەر ڤەكشاندنا هێزین ئەمەریكی ژ سوریی ئەشكەرە كر كو توركیا ئەمەریكا ئەگەهداركریە كو نابە ڤەكشاندنا هێزێن ئەمەریكی ژ سوریی بكەڤە بەرژەوەندیا پە یە دێ دە .

ل ئالیەكی دنژی وەزیرێ دەرڤە یی توركیێ هوشیاری دا وەلاتێ فەرەنسایی وگۆت كو ئەگەر ئارمانجا فەرەنسا ژ مانا وێ لسوریی تەنێ ژبۆ پاراستنا پە یە دێ بە د وێ دەمێ دە نە فەرەنسا و نەژی پە یە دێ وێ سودێ ژڤێ ئارمانجێ وەرگرن ، و تەكەز كر كو توركیێ بتەنا خوە دكارە رێخستنا تەرۆریست یا داعشێ لسوریێ بتەمامی ژناڤ ببە ، هەروەها ئۆغلۆ دا دیار كرن كو د رۆژێن بێ دە وێ سەرەدانا موسكویی بكەو لگەل بەپرسێن روسی رە بجڤە دەرباری كریزا سوریێ .

ژ ئالیێ خوە ڤە ژی ابراهیم كالن به‌رده‌ڤكێ سه‌رۆكاتیا توركیا دیار كر كو بریارا ڤه‌كشانا هێزێن ئه‌مریكا ژ سووریێ ب فشارا ره‌جه‌ب ته‌یب ئه‌ردۆغان سه‌رۆكێ توركیا بوو , ده‌ما كو په‌یوه‌ندیا ته‌له‌فوونێ ناڤبه‌را ئه‌ردوغان وترامپ ده‌ هاتە ئه‌نجامدان .

دەرباری ژناڤبرنا رێخستنا تەرۆریست یا داعشێ لسوریی كۆلن گۆت كو ئەمەریكا و توركیێ ب هەماهەنگی وێ رێخستنا تەرۆریست یا داعشێ لسوریی ژناڤ ببن و خاكا سوریی بپارێزن ژبەر ڤێ یەكێ وەلاتێ وی رازیبۆنێ ژ توو ئالیەكی وەرناگرە .

لافا عبدو

503