فه‌رمانده‌یه‌كی له‌شكه‌ری : ئه‌م ل به‌ندا چرا كه‌سكن
هه‌ڤدمێ راگهاندا ئه‌مریكه‌یێ ژ ڤه‌كشانا هێزێن خوه ژ كوردستان سووریێ داخویانیێن چه‌كدارێن ئۆپۆزسیونا سووریێ ده‌ربارێ پێكئانینا ئۆپه‌راسیۆنه‌كه له‌شكه‌ری ل سه‌ر ده‌ڤه‌رێن كوردی رۆژ ب رۆژ توندتر دبن .
پشتی راگهاندنا ژێده‌ره‌كێ ژ چه‌كدارێن ئۆپۆزسیونا سووریێ كو ده‌ردۆرا 15 هه‌زار چه‌كدار ژ بۆ شه‌رێ دڤه‌رێن رۆژئاڤایێ كوردستانێ ل رۆژهه‌لاتێ چه‌مێ فراتێ ئامه‌ده كرنه فه‌رمانده‌ریه‌كی ژ چه‌كدارێن ئارتێشا ئازاد دا خویاكرن كو ئه‌و ل به‌ندا چه‌ره‌یا كه‌سه‌كن داكۆ ب ئۆپه‌راسیۆنا خوه رابن .
زكریا قارسلی فارمانده‌یه‌كی د چه‌كدارێن ئۆپۆزسیونا سووریێ كو ل باژارێ جرابلس یێ رۆرهلاتێ حه‌له‌بێ جهێ خوه دگره دا زانین كو ب هه‌موو ته‌دبیرێن خوه ئامه‌ده‌نه وئه‌و ل به‌ندا چه‌ره‌یه‌ك كه‌سك داكۆ ده‌ست ب ئۆپه‌راسیۆنێ ل رۆژهلاتێ چه‌مێ فراتێ ل كوردستانا سووریێ رابن.
ل گۆر داخویانییا رۆژنامه‌یه‌كه توركی ل سه‌ر زارێ قارسلی كو چه‌كدارێن ئارتێشا ئازاد ئامه‌ده‌كاریێن خوه یێن له‌شكه‌ری ب داوی ئانینه و ئارمانجا وان یا سه‌ره‌كه باژارێ منبج یێ رۆژئاڤایێ چه‌مێ فراتێ تا بگهینن ده‌ڤه‌رێن كوردی ل ئالیێ دن ژ چه‌مێ فراتێ.
رۆژا چارشه‌مێ سه‌رۆكێ ئه‌مریكه‌یێ د تویته‌كێ ده راگهاند كو دێ هێزێن خوه ژ سووریێ ڤكشینه وئه‌و یه‌ك بوو جهێ دلگرانییا پرانییا ئالیێن كوردی و جیهانی ته‌ڤی راگهاندا سه‌رۆكێ توركیێ ژ پاشخ‌ستنا ئۆپه‌راسیۆنه‌كه له‌شكه‌ری ل سه‌ر ده‌ڤه‌رێن رۆژهلاتێ چه‌مێ فراتێ ل كوردستانا سووریێ لێ هین ترس ل جه‌م خه‌لكێ كورد ل وان هه‌رێمان مایه كو جاره‌كه دن كاراسه‌تا مرۆڤی وه‌ك عه‌فرینێ دووبارا ببه.
ش.ع
299
