تەڤگەرەكە شۆرەشگەری نوو ل دەرعا ژ ناڤا وێرانكرنێ رابوو

پارێزگەها دەرعا دوه رۆژا ئینێ(21.12.2018) لڤ وتەڤگەرەكە نوو ل ناڤەندا باژێر و ل هنەك گوندەوارێ پارێزگەهێ درەكەت، تەڤی كو د ڤان چەند مەهێن داویێ دە، رێژیما ئەسەد دەستێ خوە ل وان ناڤچەیان تووند كربوو.

كەسێن نە ناس ل باژارێ "الحراك" ل گوندەوارێ رۆژهلاتێ دەرعا، هنەكە نڤیسینێن دژی رێژیما ئەسەد ل سەر دیوارێن سیخۆریێن ئاسمانی یێن رێژیمێ نڤیسی بوو، وداخوازا روخاندنا رێژیما ئەسەد وسەربەست بەردانا گرتییان كرن.

هەروها د مەیدانا مزگەفتا العمری یا باژارۆكی درعا دە، كو مینا سەمپۆلا شۆرەشێ ل درعا هاتبوو ناسكرن، خوەپێشاندانەك ل دژی كریارێن رێژیمێ ب رێڤەچوو.

ژ ئالیێ خوە ڤە، سەرۆكێ دەستەیا دانووستاندكارا سووری، نصر الحریر، گۆت:" ئیرۆ دەنگێ خوەپێشاندانێن مللەتێ سووریێ ل باژارێ درعا ژ ناڤا وێرانكرنێ و خراپیا باژێر تێ، ژبۆ هەموو جیهانێ دا كو داخوازا ئازادكرنا گرتییان بكن و لهەڤهاتنێن ب دەرەو نەیێن پەژراندن و تەكەزێ ل سەر ڤەگوهەستنەك سیاسی راستەقینە بهێتە كرن."

مللەتێ دەرعا دوه، ب ناڤێ (ئینا نا ژبۆ رێكەفتن ب رێژیمێ رە)، و بانگ ل دژی جوانێن دەرعا یێن كو ڤێ داویێ چوونە ناڤ رێزێن ئارتێشا رێژیمێ كرن .

شرۆڤەكار دبێژن، دبە كو ئەڤ بوویەرێن وسا ، د رۆژێن بێ دە، كارڤەدانەكێ ل پارێزگەها دەرعا ویەكەمین باژارێ شۆرەشا سووریێ بكە.

رێژیما سووریێ ، ڤان مەهێن داویێ دە، هلمەتێن گرتنێن بەرفرە ل دەرعا رابوو، وب دەهان ئەندامێن بەرێ یێن ئارتێشا ئازاد وكارمەندێن دەزگەهین شۆرەشی دە، گرتن، تەڤی كو بەژداری رێكەفتنێن لهەڤهاتنێن ب رێژیمێ رە كربوون.

ر.ع

520