122 ملیۆن یۆرۆ ژبۆ په‌نابه‌رێن سووریێ تێ پێشكێشكرن
یه‌كیتیا ئه‌رۆپایێ راگهاند كو هن پرۆژه‌یێن نوو ژبۆ پشتاڤانییا په‌نابه‌رێن سووریێ یێن ل وه‌لاتێن ئوردن وتوركیێ و عیراقێ دانینه ودێ ئالیكارییان پێشكێش وان بكن .
د داخویانییه‌كێ ده ئه‌نجومه‌نا رێڤه‌به‌ریا سندوقا دابینكرنا ناڤنه‌ته‌وی یا یه‌كیتیا ئۆرۆپایێ راگهاند كو پرۆژه‌یێن وان یێن پلانكری ژبۆ پشته‌ڤانییا په‌نابه‌رێن سووریێ ب 122 ملیۆن یۆرۆ نه ئانگۆ ب بهایێ 138 ملیۆن دۆلار ده‌سنیشانكرن .
ئه‌و پرۆژه وه‌ك پشتگرییا به‌نابه‌رانه كو ده‌درۆرا 5.6 ملیۆن په‌نابه‌رێن سووریێ ل توركیێ و عێراق و ئۆردونێ هه‌نه هه‌روه‌ها ئالیكاری ژبۆ خه‌لكێن خوه‌جهی یێن كو ژیانا وان ده مهترسیێ ده دێ وه‌ره پێشكێشكرن .
ژ ئالیێ خوه ڤه یوهانس هان كۆمسیارێ یه‌كیتیا ئۆرۆپی یا سیاسه‌تێن وه‌لاتێن جیران ژ ئۆرۆپایێ ره دا زانین كو وه‌ك وان پرۆژه‌یان دێ هه‌سانكاریێ د وارێ خوه‌ندن و خزمه‌تگوزاری و گوهدانا توندرستی ده دروست بكه هه‌روه‌ها دێ ده‌رفه‌ت ژ بۆ قه‌زه‌نجا په‌ره‌یان و گوهدانا ب وارێ ژن و زاره‌وكان ده ڤه‌كه .
ل گۆر داخویانییێ كو ژ وان په‌ره‌یێن هاتنه راگهاندن 83 ملیۆن یۆرۆ ژ بۆ خوه‌ندنا بلند و كلتورا چاندی و كۆمه‌له‌یێن نشته‌جیێ ل ئۆردنێ دێ وه‌ره ده‌سنیشانكرن .
ل ئالییه‌كی دن كۆمسیارا ئۆرۆپی سۆزا ته‌رخانكرنا 220 ملیۆن دۆلار ژ بۆ سالا 2019 ان بۆ سندۆقێ دابوو ئه‌و ژی ب مه‌بستا پێشكێشكرنا ئالیكاریان ژ بۆ په‌نابه‌ران ره و لێ ته‌ڤێ وێ یه‌كێ وب تایبه‌ت د وه‌رزێ ز فستانێ ده په‌نابه‌ر د ره‌وشه‌كه زه‌حمه‌ت ده ده‌رباس دبن وژبه‌ر نه‌بوونا گوهدانا ته‌ندروستی و پێدڤیێن رۆژانه په‌نابه‌ر ژیانا خوه ژ ده‌ست ددن وهه‌رده‌م زارۆك و نه‌خوه‌ش لكامپا الركبان وئوردون وتوركیێ دبنه قوربانییا سیاسیه‌تێن كو ل ناڤ كامپان ده دمشن وپه‌ره‌یێن تێنه ده‌ستنیشانكرن نه‌گهینن په‌نابه‌ران.
ش.ع
433
