جڤینهك نهێنی ناڤبهرا پهیهدێ و رێژیمێ ده هاته لدارحستن
ههڤدهمێ كو پارتیا یهكیتیا دهمۆقرات پهیهدێ و بهرپرسێن خوه ب چ شێوهیهكی ههبوونا هێزێن پێشمهركهيێن رۆژ ل ناڤ خاكا رۆژئاڤایێ كوردستانێ ده نهپهژرینن داكو چارهیهك ژ كریزا دهڤهرێن كوردی وهره دروست كرن و بهانهیێن توركیێ وهرن برین ده ههمان دهمێ ده ههڤدیتنان ب رێژیما ئهسهد ره لداردخن داكو ژ گهڤێن توركیێ د دهرباسبوونا دهڤهرێن كوردي رزگار ببن وسینارۆیا عهفرینێ ل دهڤهرێن دن دووبارا نهبه .
رۆژا یهكشهما بووری 16/12/2018 هێزهك ژ پێشمهركێن رۆژ دهرباسی ناڤ خاكا كوردستانێ بوون و ههڤدیتن ب ههڤپهیمانییا ناڤهدولتی و قهسهدێ ره پێكئانین داكۆ چارهیهك ژ گهڤێن توركیێ ره ببینن لێ ل گۆر ئاگاهییان كو پهیهدێ ههبوونا پێشمهرگه ل ناڤ خاكا كوردستان سووریێ نهپژراند لێ دهههمان دهمان چهكدارێن رێژیمێ وئیرانی و بیانی ل ناڤ خاكا كوردستانێ ده قبول دكن.
ل گۆر مالپهرا باسنیوز بهلاڤكریه كو دوه رۆژا دوشهمێ ل باژارۆكێ عین عیسی یێ سهر ب گرێ سپی ڤه ب سهرپرهشتیا ئێران ورووسیێ ههڤدیتنهك ناڤبهرا پهیهدێ و رێژیما ئهسهد ل رۆژئاڤایێ كوردستانێ هاته لدارخستن تێده رێژیما ئهسهد ژ پهیهدێ خوهستیه كو دهڤهرێن دبن دهستێ وێ ده رادهستی رێژیما ئهسهد بكن داكو تو ئۆپهراسیۆن ژ ئالیێ توركیێ ڤه نهیێن سهر ههرێمین كوردی ل رۆژئاڤایێ كوردستانێ .
ژێدهرا ژ باسنیوز ره ههروهها بال كشاندیه سهر وێ یهكێ كو رێژیما ئهسهد تهكهزی ل سهر سهروهریا نشتیمانی كریه وپێویستیا ڤهگهرا دهسههلاتا رێڤهبهری وئهولكاریا رێژیما سووریێ ژ بۆ وان دهڤهران كریه.
لڤ وتهڤگهرا لهشكهری یا توركیێ ههر دچه گورتر و ب هێز تر دبه وب تایبهت ل سهر سینۆرێ گرێ سبی و سهرێ كانیێ ل گۆر حكومهتا توركیێ كو ئهگهر ههیه د نیزكترین دهم ده ئهو ئۆپهراسیۆن دهست پێ بكه وتا نها پهیهدێ تو تهدبیر ژبۆ دووبارا ڤهگهرا سیناریۆ عهفرینێ ل وان ههرێمان نهكریه
ش.ع
397
