ئۆپەراسیۆنا رۆژهلاتێ چەمێ فەراتێ " هەلوێست ونەرین "
آرك نيوز...ژ دەما كو رەجەب تەیب ئەردۆغان سەرۆكێ توركیا راگەهاندنی كو ئەنجامدانا ئۆپەراسیۆنا رۆژهلاتێ چەمێ فەراتێ د چەند رۆژێن بێدە وێ دەستپێ بكە , هەلوێست وشرۆڤەیێن جودا ژ گۆتنا سەرۆكێ توركیا رە هاتنە هۆلێ .
موستەفا جمعە ئەندامێ پۆلیتبیرۆیا پارتیا دیموكراتا كوردستان سوریا دەربارێ گەفا توركیێ یا داوای ژ ئاركێ رە راگەهاند كو توركیا ڤێ جارێ گەلەك جددیە ل سەر ئێریشكرنێ , وب تەنێ ئەمریكا كارە رێگریێ ل ئەنجامدانا ئۆپەراسیۆنا لەشكەری یا توركیێ بكە.
وەزارەتا بەرەڤانیا ئەمریكا راگەهاندبوو كو ئەو ئێریشكرنێ ل سەر رۆژهلاتێ چەمێ فەراتێ وب تایبەتی ناڤچەیێن كو هێزێن ئەمریكی لێ هەنە قەبوول ناكن , وئەڤ ئۆپەراسیۆنا توركیا یا تاك ئالی وێ ئەمریكا دل گران بكە .
رووسیا ژی هاتە سەر هێلێ , وماریا زاخارۆفا بەردەڤكا وەزارەتا دەرڤەیا رووسیا گۆت كو رووسیا ل گەل توركیا ل سەر هێلێ یە , ورووسیا ئاگەهدارێ ئۆپەراسیۆنا توركیایە بۆ سەر رۆژهلاتێ چەمێ فەراتێ .
و د لێدوانەكە تایبەت دە ژ بۆ ئاركێ فێسەل نەعسۆ ئەندامێ كۆمیتەیا ناڤەندی یا پارتیا دیموكراتا كوردستان سوریا راگەهاند كو توركیا مینا عەفرینێ وێ دەرباسی كۆبانێ وگرێ سپی ببە , وراستە ئەمریكا بەرسڤا توركیا دایە , لێ ئەمریكا هەلوێستا خوە ب زەلالی نەدایە خویاكرن .
وشەلال گەدۆ ئەندامێ هەڤپەیمانیا نشتیمانی یا ئۆپۆزسیۆنا سووریێ دبێژە بەرسڤا ئەمریكا ژ ئێریشا توركیارە نە بهێزە , وپێویستە ئەمریكا ب جددی كار ل سەر رێگریكرنێ ل ئێریشا توركیا بكە , وپێویستە ئەنجوومەنا نشتیمانی یا كورد ل سووریێ ببە نوونەرێ كوردان یێ سیاسی ولەشكەری.
ز.ح
277