بالەفرێن توركیا بنگەهێن چەكدارێن پەكەكە ل شنگالێ وچیایێ قەرەچۆخ بۆمبەباران كرن

آرك نيوز.. فەرماندەیێ فەرمانداریا پێشمەرگە ل شنگالێ دبێژە بالەفرێن شەر یێن توركیا ب تووندی شنگال بۆمبەبارانكرن , ووەزیرێ بەرەڤانیا توركیا گۆت كو (20 ) بالەفرێن شەر یێن توركیا شنگالێ وچیایێ قەەرچۆخ بۆمبەبارانكرن .

قاسم شەشۆ فەرماندەیێ فەرمانداریا پێشمەرگە ل شنگالێ راگەهاند كو شەڤا بووری دەم ژمێر ( 10 ) ئێڤارێ بالەفرێن شەر یێن توركیا بنگەه وبارەگەهێن چەكدارێن پەكەكە ل شنگالێ بۆمبەبارانكرن.

هەروەها شەشۆ ئەشكەرەكر كو بالەفرێن شەر یێن توركیا بارەگەهێن چەكدارێن پەكەكە ل ناڤچەیێن سكێنی , شلۆ , وگر عزێر , وچەندین ناڤچەیێن دن بۆمبەبارانكرن , وهەتا وەكە نها زیان نەهاتنە زانین.

خەلووسی ئاكار وەزیرێ بەرەڤانیا توركیا د داخویانیەكێ دە بەلاڤكر كو لگەل فەرماندەیێن ئارتێشا ناڤەند چاڤدێریا ئۆپەراسیۆنا ئاسمانی ل سەر شنگالێ وچیایێ قەرەچۆخ دكن .

هەروەها وەزیرێ بەەرڤانیا توركیا گۆت كو ( 20 ) بالەفرێن شەر یێن توركیا وژمارەیەك بالەفرێن بێ فرۆكڤان ئۆپەراسیۆنا ئاسمانی ل شنگالێ وچیایێ قەرەچۆخ ئەنجامدان.

وەزیرێ بەرەڤانیا توركیا گۆتژی كو بالەفرێن شەر یێن توركیا ئارمانجێن خوە ل شنگالێ وچیایێ قەرەچۆخ ب جه ئانین , وژ بۆ ب جه ئانینا ئارمانجان ئارتێشا توركیا د ئامادەباشیێ دەیە .

ل گۆری كو دەزگەهێن مەدیایی راگەهاندن د ئەنجاما بۆمبەبارانكرنا بالەفرێن شەر یێن توركیا دە شەڤا بووری چار كەسان ژیانا خوە ژ دەستدا , وپێنج كەسێن دن برینداربوون .
ز.ح

637