عه‌فرين .. ئاگر ب گه‌ره‌ڤا به‌نداڤا مه‌يدانكێ كه‌ت
ل گوندێ مه‌يدانكێ يێ ناڤچه‌يا شرا يا عه‌فرينێ گرووپێن چه‌كدار دۆه رۆژا چارشه‌مێ 20 مه‌ها حزێرانێ دارێن ل گره‌ڤا بجووك يا به‌نداڤا مه‌يدانكێ شه‌وتدان.
ل گۆر زانيارێن ئاركێ ژخه‌لكێ گوندێ مه‌يدانكێ وه‌رگرتيه كو ئه‌ڤ كريارێن كو چه‌كدار پێ رادبن ب مه‌بست تێنه ئه‌نجامدان و دخوازن وان جهێن گه‌شت وكوزاري ژ خوه ره بكن سه‌يرانگه‌ه و خوارنگه‌ه.
د 18ێ مه‌ها حزێرانێ ئانكو به‌ريا سێ رۆژان ئالييه‌ك ژ دارستانا به‌نداڤا مه‌يدانكێ هاتبوو شه‌وتاندن وئه‌و ئاگر ب ئاليكاريا خه‌لكێ گوند وئه‌ندامێن ئه‌نجومه‌نا خوه‌جهي يا ناڤچه‌يا شرا هاتبوو ڤه‌رمراندن.
وه‌لاتيێن عه‌فرينێ بانگ ل رێخستنێن ژينه‌گه و پارستنا شوونواران دكن كو جهێن كه‌ڤنار وگه‌شت وگوزاري بپارێزن وفشاره‌كێ ل سه‌ر وه‌لاتيێ توركيێ بكن داكو چاره‌يه‌كێ ژ ره‌وشا عه‌فرينێ ره ببينن.
شێخۆ عه‌فريني
338
