گرۆپا كار یا ژ بۆ سووریێ ل ئەنقەرایێ جڤیا

رۆژا (7 چلەیا پێشیێ2018) ل ئەنقەرایێ گرۆپا كار یا ئەمەریكی توركی ل سەر ئاستێ پلە بلند ژ بۆ سووریێ جڤیا.

بەرپرسێن پلە بلند ل هەردوو وەزارتێن دەرڤە وبەرەڤانی یێن توركیێ وئەمەریكا ، ژ بۆ گۆتوبێژیێن زێدەتر ل سەر ئارامیێ وئەولەهیێ د رەوشا سووریی دە ل پایتەختا توركیی ل ئەنقەرایێ ، بۆ جارا سیێەمین، جڤیان.

هەردوئالینا سەروەری و سەربخوەیی و یەكرێزیی و سەلامەتیا هەرێمی یا سووریێ تەكەز كر و پشت راستكرن، وگرنگیا پێشڤەچوونا چارەسەریا سیاسی ژ ململانیا سووریێ رە ل گۆری بریارا (2254) یا ئەنجومانا ئەولەهیا ناڤدەولەتی بجدی دووپات كرن.

دجڤینێ دە ، هەردوو ئالیان پابەندبوونا خوە یا هەڤبەش دان دیاركرن ژبۆ پێشكێشكرنا ئالیكاریێن مرۆڤی ژبۆ كەسێن حەوجەدار ل سووریێ وپەسنێ یەكتر دان ل سەر كار وخەباتا وان د سووریێ دە.

ئەمەریكا وتوركیێ دان زانین كو دێ ب هەموو ئاوایەكی شەرێ تەرۆرێ بكن و هەموو رەنگێن وێ كو ژ ناڤا سووریێ و دەرڤەی سووریێ تێ .

وهەردو ئالیێان سۆز دان كو هەتا داویا ڤێ سالێ دێ نەخشەریێا باژارێ منبجێ ب داوی بینن ودێ كارێن هەڤبەش ژبۆ دانینا نەخشەریێا باژارێ منبجێ بكن.

ولاتێن ئەمەریكا وتوركیێ هەڤپاری یەكن ودێ بهەڤرە ل همبەری هەموو هەولێن كو دژی بەرژەوندیێن وان ل سووریێ دە راوستن ب هەڤرە و رێ ل پێشیا وان هەولا بگرن ودێ مینا دوو ولاتیێن هەڤپەیمان كار د سووریێ دە بكن.

د داویا جڤاتێ دە، هەردوو ئالیێان ئەرێ كرن ل سەر پركرنا جڤینێن گرۆپا كار یا تایبەت سووریێ وبریار دان كو هەتا شوباتا سالا 2019 دە جڤینەكی دن یێ گرۆپا كار یا تایبەت سووریێ ل واشنتن ئەنجام بدن.

ر.ع

508