سالڤەگەرا 70 یا رۆژا جیهانی یا مافێن مرۆڤ

هەر سال وەكە ئیرۆ جیهان ب تەڤاهی ب بۆنەیا رۆژا جیهانی یا مافێن مرۆڤان شاه دبە، و ئەڤ رۆژ ژ ئالیێ كۆمەلەیا گشتی یا نەتەویێن یەكگرتی ڤە د رۆژا 10 چلەیا پێشین سالا 1948، وەكە بەرسڤەكێ ژ وێرانكرن و كارەسات و بنپێكرنێن كو جەنگا جیهانا یەكەم ل شت خوە هێلایێ ، هات ناسكرن وجارنامەیا مافێن مرۆڤ بلاڤكرن.

ئەڤ جارنامەیە مینا بلگەیەكە دیرۆكی هات ناسكرن و وەرگێران بوو ل سەر (500) زمانی و هەر مرۆڤەك دكارە وەك رۆژا مافێ خوە هژمار بكە بێ كو رەگەزنامە یان رەنگ یان ئۆل یا زمان یا نەرینا وی یا سیاسی یا بارێ وی یێ جڤاكی یان سەروەت وسامانێن وی یان هەر تشتەكی دن ل بەر چاڤ وەرە گرتن.

وئەڤ جارنامەیە وەكە پێڤانەكێ ژبۆ ئارمانجنە هەڤبەش دناڤبەرا مللەت و هەموو نەتەوێن دونیایێ دە ، ووەكهەڤیێ د رۆمەت و بهایێ هەموو مرۆڤان دە، و هێزێ ددە هەموو ئالیێەكی.

هەر سال وەك ڤێ رۆژێ جیهان تەڤدە ل بیرتینە و ل سەر رەوشا مرۆڤ و مافێن مرۆڤ د دنیایێ دە راوەستە ورادەیا پابەندبوونا حكومەتان ب پیڤانێن كو د ڤێ بلگەیێ دە هاتنە، وداخوازا دانینا گەلەك بنەمایێن دادپەروەرێ ووكهەڤیێ و رۆمەت و كەرامەتێ تێ كرن.

ب بۆنەیا ڤێ رۆژیێ، دڤێ ئەم رەوشا مافێن مرۆڤ ل سووریێ و تەڤاهیا كوردستانا سووریێ ژی ل بیرا خوە بینن، ورەوشا كو مللەتێ مە یێ سووریێ ب تەڤاهی ناڤ رە دەرباس دبە و كوردستانا سووریێ ب تایبەتی تێدە دەرباس دبە، پشتی سالا 2011.

رێژیما سووریێ هێژی رژدە ل سەر چارەسەركرنا كریزا سووریێ ب فشارا چەكێ و توونەكرنا دژبەرێن خوە ب ئاوایێن خوە ییێن هۆڤانە و ب رەنگێن جودا جودا مینا گرتن و كوشتن و ئەشكەنجەكرن و رەڤاند ووێرانكرن و تۆپاران كرن ب بەرمیلێن تەقینەر و تۆپ وتانكان، كۆچباركرنا ب داری زۆریێ چارسەریا هەری ئاسانە ژ ئالیێ رێژیما ئەسەد و هەڤالبەندێن وی ڤە.

رەوشا كوردێن سووریێ وكوردستانا سووریێ نە باشترە ژ رەوشا سووریێ ، عەفرین دنالە ژ دەستێ گرۆپێن چەكدار ڤە وەكە چاوا دنالی ژ دەستێ پەیەدێ ڤە، رەنگێ عەفرینێ نها تێدە دەرباس دبە، وێنەیا دزین و تالانكرن و دەستەكرنا مالانە و رەڤاندنا مرۆڤان و ئەشكەنجكرنا وان بەشەكی دن یێ رەوشا ولاتیێن كورد ل عەفرینا رۆژئاڤیێ كوردستانێ یە.

هەرێمێن دن یێ كوردستانا سووریێ ب ب ئاوایەكی دن ژ دەستێ پەیەدێ وهەڤالبەندێ وێ دنالە، مینا تەرۆركرنا سەركردە وچالاكڤانێن كورد كو دژبەری نەرینا ویێ نە، وقەدەغەكرنا ژیانا سیاسی ل رۆژئاڤایێ كوردستانێ وهەر وەكە تەڤاهیا ولاتیێن سووریێ رەوشا هەری ئاسان و بژاردەیا ل پێشیا مللەتی كورد كۆچباركرن بوو و ب هەزاران كوردین سووریێ نەچار بوون ژ بەر سیاسەتێن پەیەدێ رۆژئاڤایێ كوردستانێ ب جه بهێلن وكۆچبەری توركیێ وهەرێما كوردستانێ ببن، وئەڤ یەك ژی بوو سەدەم كو بهەزاران جوان ومالباتێن كورد ل سەر سنۆران و ب ئاڤ وچەم ودەریایان دە بن ئاڤ بن و بخەنقن.

ر.ع

891