لڤ و تەڤگەرێن روسیا ل سوریێ
ارك نیوز .. بەریا چەند رۆژان قادا مەیدانی یا سوری راستی لڤ و تەڤگەرەكە لەشكەری روسی هاتبوو.
ژێدەرێن لەشكەری راگهاندن كو پشتی سیستەما بەرڤانیا ئەسمانی یا روسی ئس چارسەد راستی زیانەكێ هات د ئەنجاما ئێریشین ئسرائیلێ لسەر دەڤەرا مسیاف لرۆژئاڤایێ گوندەوارێ حمایێ د ئیلونا بوری دە روسیی هەمان سیستەما خوە ئس چارسەد ڤەگەراند .
وسەربار كرن كو روسیا سیه تۆپخانەیین خوە ژ جورێ هاوتزر ڤەگوهەستن بنگەها حمێمیم یا لەشكەری لگوندەوارێ لازقیێ داكو لسەر بنگەهێن خوە لتەڤایا سوریێ بەلاڤ بكە .
هەمان ژێدەرێن لەشكەری دیار كرن كو ئەڤ یەك هات پشتی چەند رۆژان ژ ڤەگوهەستنا هەژمارەك مەزن ژ لەشكەرێن روسی لگەل سیستەمێن بەرەڤانیا ئەسمانی یا روسی ژ بالافرخانەیا حمایێ یا لەشكەری بەرەڤ بالافرخانەیا دمێر یا لەشكەری .
پسبۆرەك د شرۆڤەكرنا وینە ونەخشەیان د رێیا هەیڤێن دەستچێكری دە رۆژا یەكشەما بووری د تویتەكێ دە وینەیەك بنگەها حمێمیم یا روسی لگوندەوارێ لازقیێ كو د ریێا هەیڤێن دەستچێكری دە هاتبوو كشاندن بەلاڤ كر د وێ وێنەیێ دە هەژمارەك گوهەرتنێن بنەمایی سەرباری كۆمكرنا هەژمارەك مەزن ژ ئالاڤێن لەشكەری مینا جورێن بالافرێن لەشكەری و عەمبارێن كو ژ ئالیی روسیی ڤە لباكورێ رۆژهلاتێ بنگەها حمێمیم هاتبوون ئاڤاكرن سەرباری هەبوونا هەژمارەك مەزن ژ تۆپخانە و موشەك ئاڤێژان ل بنگەها حمێمیما لەشكەری لگوندەوارێ لازقیێ دیار بوو .
وەلاتێ روسیا رێكەفتنەك لگەل رێژیما ئەسەد د تەباخا دووهەزار وپارزدەهان دە ئمزەكر بوو كو رێپێددانێ ددە روسیێ كو بنگەها حمێمیم یا لەشكەری لگوندەوارێ لازقیێ تا دەمەكە نە دەستنیشانكری بكار بینە كوژ ئالیی خوەڤە جاڤدێرێن سیاسی پێشبینی دكن كو وەلاتێ روسیی هەولا زێدەبوونا هەژموونا خوە دسوریێ دە دكە كو وەلاتێ سوریی بوویە قادەك راهینانێ ژ هێزێن روسی رە و تاقیكرنا چەكێن خوە نوو داكو ب كۆمێن مەزن چەكێن خوەی دەستچێكری بفرۆشن سەرباری سڤككرنا كارینا ئەمەریكا یا جاڤدێریێ ل دەڤەرێ .
لافا عبدو
591
