د .عبدالحكیم بشار داخویانییه‌ك به‌لاڤكر
آرك نيوز .. پشتی به‌لاڤبوونا وێنه‌ێن دكتۆر عبدالحكیم بشار و هن سه‌ركرده‌یێن په‌یه‌دێ كو هه‌ڤدیتنه‌ك ناڤبه‌را وان ده هاتیه لدارخستن ، ئیرۆ 1 به‌رچله‌یا 2018 عبدالحكیم به‌شار ئه‌ندامێ پۆلیتبیرۆیا پارتیا ده‌مۆقراتا كوردستان سووریا داخویانییه‌ك ده‌ربارێ وێ یه‌كێ به‌لاڤ كر تێده هاتیه :
به‌ریا چه‌ند رۆژان تۆرێن جڤاكی وهژماره‌كه مالپه‌ر وێنه‌یا من ب سه‌ركه‌ده‌یێن په‌یه‌دێ كو هه‌ڤدیتنه‌كه هاتیه لدارخستن ناڤبه‌را هه‌ردوو ئالییان دن به‌لاڤكر د ڤێ ده‌ربارێ ده ئه‌ز دخوازم زه‌لالییه‌كێ ژ رایا گشتی بدم خویاكرن :
به‌ریا سالا ونێڤه‌كێ من پشنیاره‌ك سه‌ر سلمان الشێخ كو ئه‌و ژی سه‌رۆكێ ناڤه‌ندا شێخ گرووب بو لێكولینانه و بخوه بریتانی یه و ژ ده‌سپێكا شۆره‌شا سووریێ گوهدانه‌كه تایبه‌ت دده سووریێ ، من سه‌ر وی بشنیار كربوو كو كاره‌كی ل ژێر ناڤێ دیالۆگا كوردی عه‌ربی لداربخه كو ئه‌و كار ئارمانجێن وێ ئه‌ڤن :
1 به‌شداری د زه‌لاكرنا دۆزا كوردی بۆ رایا نشتیمانی سوری گشتی ب شێوه‌یه‌كی به‌رچاڤ وچاوانییا دیتنا چاره‌سه‌ریا ده‌مۆقراتی.
2 دیتنا چاره‌سه‌ریێ ژ مه‌ترسیێن جۆدا ناڤبه‌را كورد وعه‌ربان كو د ئه‌نجاما سیاسه‌تێن رێژیما سووریێ د تێكبرنا پلانكری ژ سووریێ بوو .
3 چاوانییا دوورخستنا ناكۆكیێن عه‌ربی كوردی نه‌خاسم پشتی كو په‌یه‌دێ هه‌رێمێن عه‌ربی داگیركر وب بنپێكرنان رابوون .
دكتۆر عبدالحكیم ئه‌ندامێ پۆلیتبیرۆیا پارتیا ده‌مۆقراتا كوردستان سووریا د داخویانییا خوه هه‌روه‌ها دده زانین كو ئه‌و پرۆژه به‌ریا بێتر ژ سالاه‌كێ ب روونشتنێن دیالۆگی ده‌سپێكربوو ، و تێده هژماره‌ك ژ كه‌سایتێن سووری به‌شداركرن وكاریبوون پێشكه‌تنه‌كێ ده‌ربارێ په‌ژراندنا سوورییان ژ دۆژا كوردی ب ده‌ست خوه به بینه ، وده‌ما كو مژار د روونشتنێن داویێ هاته سه‌ر چاوانییا دیتنا چاره‌یه‌كی ژ ناكۆكییان - په‌یه‌دێ یه‌ك ژ ئالاڤێن وێ یه - سه‌رۆكێ ناڤه‌ندێ بریار دا كو ئه‌ندامن ژ سه‌ركرده‌یێن په‌یه‌دێ ڤه‌خوه‌ندی بكه داكو رایا ئالیێن دن ژ سوورییان ب زندی سه‌ر كریارێن وان ( په‌یه‌دێ ) وچاوانییا چاره‌سه‌ر‌كرنێ ببهیسن .
ئه‌و ڤه‌خوه‌ندن ژ بۆ كه‌سه‌كی تایبه‌ت نهاته شاندن ژ به‌ر كو د ده‌ما وورك شۆبان ده ڤه‌خوه‌ندن ب بێ ده‌ستنیشانكرنا ناڤان ژ وه‌لاتان ره تێ شاندن .
به‌شار درێژایێ ب ئاخافتنا خوه تینه كو د هه‌موو وورك شۆپێن گرێدای ب دیالۆكا عه‌ربی وكوردی ده من به‌شدار كریه نه‌خاسم یاداویێ یا ل ژێر ناڤێ حوكمداریا د باكور رۆژهلاتێ سووریێ وره‌واتییا وێ ورۆلێن رێخستنێن جڤاكا سڤیل د وێ ده ، وهه‌ر یه‌ك ژ خالد عیسی نواف خلیل وأمجد عوسمان ژبۆ وێ هاتن ڤه‌خوه‌ندن وده‌ما كو ئه‌ز ده‌رباسی هۆلێ بووم من نزانیبوو كو وان هه‌رسێ ناڤبووری به‌شدار د وێ وورك شۆپێ كرنه .
دكتۆر عبدالحكیم بشار هه‌روه‌ها بال كشاندیه سه‌ر كو د وێ ورك شۆپێ ده من ته‌كه‌ز ل سه‌ر هه‌لوێستێن دریا ب ده‌هان گۆتارێن خوه سه‌ر كریارێن په‌یه‌دێ كریه هه‌روه‌ها به‌شداربووێن ژ منبج ورقه ودێره‌زۆرێ هه‌لویستێن خوه ژ كریارێن په‌یه‌دێ ده‌ربرادندن .
دكتۆر عبدالحكیم بشار د داویێ داخویانییا خوه ده دبێژه كو ئه‌ز ته‌كه‌زیێ ژ رایا گشتی ره دكم كو ئه‌و وێنه‌ێ هاتنه به‌لاڤكرن یا روونشتنا داویێ ژ وورك شۆپا ناڤه‌ندا باژارێ لاهای یا هۆله‌ندا یه كو 28 و 29 مژدارێ بوو وتو هه‌ڤدیتن فه‌رمی ناڤبه‌ار من و په‌یه‌دێ نه ل سه‌ر ئاستا كه‌سایه‌تی و نه ل سه‌ر ئاستا په‌ده‌كه‌سێ نه‌هاتیه لدارخستن ژ به‌ر كو په‌یه‌دێ ب كریارێن ته‌رۆری دژی گه‌لێ كورد رادبه وه‌ك :
گرتن ، شه‌وتدنا نڤیسگه‌هێن پارتیێن ئه‌نجومه‌نا نشتیمانی یا كوردی ل سووریێ ، له‌شكه‌كرنا زارۆكان ، كوشتن، به‌لاڤكرنا نه‌زانی ، كوچكرنا خه‌لكێ ، قوربانیكرنا ب هه‌زاران ژ جوانان ل بیابانان كو تو به‌رژه‌وه‌ندیێن كوردی ل وان شه‌ران ده تونه‌یه ب ته‌نێ ژبۆ ده‌سهه‌لاتداریا خوه یا ده‌مكی یه ، هه‌روه‌ها ب بنپێكرنان به‌رفه‌ره ل هه‌رێمێن عه‌ربی رابوونه ژ به‌ر وێ یه‌كێ تو چاری هه‌ڤدیتن ودانوستاندن ب په‌یه‌دێ نایێ لدارخستن ژ بلی د چارۆڤه‌یا مه‌رجێن كو د گۆتارا خوه یا داویێ ده هاتنه خویاكرن دێ وه‌ره لدارخستن .
ش.ع
المقال يعبر عن رأي الكاتب
697
