توركێ هێزەكە نوو دەرباسی سووریێ كر
رەونگەها سووریێ یا مافێن مرۆڤان ئیرۆ30.11.2018، راگهاند كو توركیێ هێزەكە نوو یا لەشكەری دەرباسی خاكا سووریێ كر.
ل گۆری رەونگەهێ كاروانێ هێزا توركیێ ژ تانك وتۆپ و ئالاڤێن لوجستی پێك تێ و بەرڤە گوندەوارێ حمایێ چوو ، ژ بۆ چاڤدێركرنا خالێن توركیێ ل وێ دەڤەرێ.
رەونگەهێ 26 ڤێ مەهێ ژی بلگە كرییە كو هێزەكە توركیێ د دەرگەهیێ كفرلوسین رە دەرباسی خاكا سووریێ بوو، داكو چاڤدێرێ ل خالا الصرمان ل گوندەوارێ رۆژهلاتی معبر النعمان د پاریزگەها ادلبی دە بكە.
بەرێ ژی، د 15 ڤێ مەهێ دە، هاتبوو راگهاندن كو توركیێ دێ 12 خالێن چاڤدێریێ ل باكۆریێ سووریێ و ناڤچەیێن كوردستانی ل رۆژهلاتێ چەمێ فراتێ ئاڤا بكە و دەست پێكرییە ب ئاڤاكرنا وان. ودێ هەمۆ پێدڤیێن ئەولەهی ولەشكەری ب بەردەوام دابین بكە ل سەر سنۆر .
توركیێ ب بەردەوامی گەف و ئیریشین راگهاندنێ ل دژی ناڤچەیێن كورستانی ل رۆژهلاتێ چەمێ فرات دكە و دخوازە دەرباسی وان ناڤچەیان ببە ، لێ توركیێ هەتا چ رادەیەكێ جدیی یە و دی دەرباس ببە یان نا ، ئەڤ پرسیار دێ ژ دەمێ رە بمینە؟؟؟؟
ر.ع
378
