چار سال ل سەر شەهیدبوونا جوانەكی قامشلۆ رە دەرباس دبن

آرك نيوز... ئیرۆ, 4ێ ته‌باخا 2022یان, 4 سال ل سه‌ر شه‌هیدبوونا جوانه‌كی قامشلۆ یێ رۆژئاڤایێ كوردستانێ ره‌ ده‌رباس دبن, كو د بن ئەشكه‌نجه‌یێ د زیندانێن رێژیما سووریێ ده‌ ژیانا خوه‌ ژ دا, و شه‌هید بوو.

ده‌ستهه‌لاتداریا ئەوله‌هیا رێژیما سووریا به‌ریا چار سالان لیسته‌یه‌ك ژ ناڤێ سڤیلێن كو د بن ئەشكه‌نجه‌یێ د زیندانێن رێژیمێ ده‌ ژیانا خوه‌ ژ ده‌ست دانه‌, راده‌ستی ناڤه‌ندێن ناسنامه‌ و ره‌گه‌زنامه‌یان كر. هژماره‌ك ژ وان ناڤان, هاتن ناڤه‌ندێن هه‌ر دو باژارێن رۆژئاڤایێ كوردستانێ هه‌سه‌كێ و قامشلۆ, كو د ناڤ وان ده‌ ناڤێ جوانه‌كی كورد هه‌بوو.

جوانێ ب ناڤێ هه‌كه‌م هكمه‌ت سلێمان ژی د ناڤ لیسته‌یا كو گه‌هشتیه‌ ناڤه‌ندا ناسنامه‌یا قامشلۆ ده‌ هه‌بوو, كو د د بن ئەشكه‌نجه‌یێ ده‌ د زیندانا رێژیما سووریێ ده‌ هاتیه‌ ته‌رۆركرن و شه‌هید بوویه‌. به‌ریا هه‌یڤه‌كێ ژ شه‌هیدبوونێ, هه‌كه‌م هكمه‌ت سولێمان ژ ئالیێ رێژیما سووریێ ڤه‌ ژ بۆ یه‌ده‌كا له‌شكه‌ریا نه‌چار هاتبوو بنچاڤكرن, و د رۆژا شه‌میێ 4ێ ته‌باخا 2018ان, ئەوله‌هیا رێژیما سووریێ ته‌رمێ وی راده‌ستی كه‌سووكارێن شه‌هید كر. هه‌كه‌م هكمه‌ت سولێمان, ده‌ما چاره‌سه‌ریا خوه‌ یا ته‌ندروستی ل نه‌خوه‌شخانه‌یا نشتیمانی یا باژارێ قامشلۆ ددیت, ژ ئالیێ چه‌كدارێن رێژیما سووریێ ڤه‌ هاته‌ بنچاڤكرن ب خوه‌ ژی خه‌لكێ گوندێ شه‌رمووخ یێ سه‌ر ب قامشلۆ ڤه‌ یه‌, خێزاندار بوو, و باڤێ دو زارۆكان ئە.

ش.ع

444