د دوو جڤینێن جودا دە ئۆغلۆ لگەل زەریف و لاڤرۆف پرسا ئدلبێ كۆتوبێژكر

ارك نیوز .. د چارچۆڤەیا كۆنگرێ ئاسایێشا میونشن ل ئەلمانیایێ وەزیرێ دەرڤە یێ توریێ د دوو جڤینێن جودادە لگەل وەزیرێ دەرڤە ێی روسیا ، و وەزیرێ دەرڤە یێ ئیرانێ رە پرسا ئدلبێ و داوین پێشهاتە كۆتوبێژ كر.

موولود چاویش ئۆغلۆ وەزیرێ دەرڤە یێ توركیێ پشتی ئەنجامدانا هەڤدیتنا خوە ب وەزیرێ دەرڤە یێ روسیا رە ژ رۆژنامەڤانان رە راگهاند كو ئەو ب وەزیرێ دەرڤە یێ روسیا سیرگی لاڤرۆڤ رە جڤیا و لگەل وی داوین پیشهاتەیێن رەوشا ئدلبێ كۆتوبێژ كر و گۆت كو وی ژ هەڤشانێ رە تەكەزی لسەر پێویستیا راوەستاندنا ئێریشان لسر ئدلبێ كریە و داخوازا راگهاندنا ئاگربەستەكە هەردەمی ل وی باژاری كریە داكو ئارامی و جێگری جارەكە دن ڤەگەرە باژێر.

هەروەها ئۆغلۆ دا زانین وگۆت ژبۆ دیتنا چارەسەریەكێ ژ رەوشا ئدلبێ رە بریارە ئیرۆ شاندەكە توركی پلەبلند سەرەدانا مۆسكۆیێ بكە ولگەل بەرپرسیارێن وی وەلاتێ پرسا ئدلبێ كۆتوبێژبكن .

وەكە وەیزێ دەرڤە یێ توركیێ ئەشكەرە كریە كو توركیا و روسیا دەربارێ رەوشا ئدلبێ د كفتوگۆیان دەنە و وێ ئەڤ گفتوگو بەردەوامبن تا چارەسەریەك ژ رەوشا ئدلبێ رە وەرە دیتن .

ل ئالیەكی دن وژبۆ هەمان مەبەستی وەزیرێ دەرڤە یێ توركیێ لگەل هەڤشانێ خوە وەزیرێ دەرڤە یێ ئیرانێ محمد جەواد زەریف رە ژی هەڤدیتنەك پێك ئانی ، هەردوو وەزیران د وێ هەڤدیتنا خوە دە رەوشا ناڤچەیێ بگشتی و داوین پێشهاتەیێن رەوشا سوریێ بتایبەتی رەوشا ئدلبێ كۆتوبێژكرن .

دۆه ژی سەرۆكێ ئیرانی حسن رۆحانی لسەر رەوشا باژارێ ئدلبێ و رێكەفتنا سوتشی یاكو دناڤبەرا هەرسی وەلاتێن گەرەنتۆر دە هاتیە ئمزەكرن ئاخڤی و گۆت رێكەفتنا سوتشی رێكەفتنەكە كرنگە و نموونەیەكە سەركەفتی ل ناڤچەیێ یە ، دڤێ توركیێ رێزێ ل تەڤایا رێكەفتنێن گریدایی بسوریێ ، و سەروەری و یەكپەرچەییا خاكا سورێی بگرە .

379