كۆمیتەیەك ناڤدەولتی : رێژیما ئەسەد د تاوانێن جەنگی دە لسوریێ بەردەوامە
ارك نیوز .. كۆمیتەیەكە ناڤدەولتی سەربخوە دەربارێ سوریێ راپۆرتەك دەربارێ بەردەوامیا كریار و بنپیكرنێن نە مرۆڤی دەرحەقی گەلێ سوریێ دە ژ ئالیێ ریژیما ئەسەد ڤە بەلاڤ كر .
كۆمیتەیا لێكۆلینا ناڤدەولتی یا سەربخوە دەربارێ سوریێ د راپۆرتا خوە دە ئەشكەر كر كو هینژی چەكدارێن ریژیما ئەسەد د بنپێكرنێن خوە دە یێن نەمرۆڤی و ئەنجامدانا تاوانێن دژی مرۆڤاتیێ دەرحەقێ وەلاتیێن سوری ژ گرتن ، رەڤاندن ، كوشتن ، ئەشكەنجەدان ، و دەستدرێژی دە بەردەوامن .
هەمان كۆمیتەیێ دا زانین كو لگۆری بەلگەیێن كو گهشتنە دەستێ وان كو رۆژانە وەلاتیێن سڤیل ل تەڤایا ناڤچەیێن سوریێ راستی بنپیكرنێن نە مرۆڤی ژ ئالیی چەكدارێن رێژیمێ ڤە تێن و گۆت ژی ئەنجامدانا تاوانێن دوور ژ مرۆڤاهیێ یێن رۆژانە كو ژ ئالیێ ریژیمێ ڤە تێنە پێكئانین لدژی سوریان بوویە سیاسەتا رێژیما ئەسەد یا نها .
384
