رێخستنا كامپا قۆشته‌په‌ یا په‌ده‌كه‌-سێ سالڤه‌گه‌را 61ه‌م يا دامه‌زراندنا په‌ده‌كه‌-سێ ڤه‌ژاند

ArkNews : رێخستنا پارتيا ده‌موكراتا كوردستانا سووريێ شاخێ كامپا قۆشته‌په‌ ئاهنگكه‌ك ب هه‌لكه‌فتا سالڤه‌گه‌را شێست و يه‌كه‌م يا دامه‌زراندنا پارتيا ده‌موكراتا كوردستانا سووريێ رۆژا يه‌كشه‌مێ ل كامپا قۆشته‌په‌ لدارخست
د هه‌لكه‌فتا سالڤه‌گه‌را شێست و يه‌كه‌م يا دامه‌زراندنا پارتيا ده‌موكراتا كوردستانا سووريێ ده‌ ده‌كتۆر ئه‌حمه‌د مه‌له‌ك ئه‌ندامێ كۆميته‌يا ناڤه‌ندي و به‌رپرسێ رێخستنا په‌ده‌كه‌سێ ل كامپا قۆشته‌په‌ و دۆروبه‌رێ هه‌وولێرێ گۆتاره‌ك پێشكێشكر و تێده‌ گۆت كو پارتيا ده‌موكراتا كوردستانا سووريێ ل سه‌ر بنگه‌ها نه‌ته‌وي و كوردينيێ و رێبازا بارزانيێ نه‌مر هاته‌ ئاڤاكرن .
هه‌ر وه‌ها گۆت كو كريزا سووريێ به‌ر ب داوي هاتيه‌ وئه‌ڤ قووناغا بێ ژبلى ئه‌كتيڤكرنا رێخستنێ پێويستيا مه‌ ب مه‌ژيێن ڤه‌كري و ره‌ووشه‌نبير هه‌يه‌ بۆ د ريا دانوستاندنان ره‌ مافێ گه‌لێ كورد وه‌ره‌ بده‌ستخستن .
ژ ئاليه‌كي دن ڤه, ‌محه‌مه‌د شفا ئه‌ندامێ كۆميته‌يا هه‌رێمي يا په‌ده‌كه‌سێ و يه‌ك ژ ئه‌ندامێن به‌رپرس ل رێخستنا كامپا قۆشته‌په‌ سپاسيا هه‌مي به‌شداران كر و گۆت كو په‌ده‌كه‌سێ وێ د خه‌باته‌خوه‌ يا پيرۆز ده‌ به‌رده‌وام به‌ .
د ڤێ سالڤه‌گه‌رێ ده‌ كۆما ژيان يا هونه‌ر فلكلۆرێ كوردي ب ستران و ره‌قسێن فلكلوري و شانۆيه‌كێ ئاهنگ ده‌ووله‌مه‌ند كر و گورزه‌ك هه‌لبه‌ست ژي هاتن پێشكێشكرن .

590