روسيا: ئه‌مێ به‌رێ خوه بدن روژهلاتێ چه‌مێ فه‌راتێ
شانده‌رێ سه‌روكێ روسیا ژ بو سووریێ راگهاند كو وێ هێزێن وان ئوپراسیونێن خوه ل سووریێ به‌رفره‌ه بكن هه‌تا روژهلاتێ چه‌مێ فه‌راتێ ئانكو هه‌ردو هه‌ریمێن كوبانێ وجزیرێ .
شانده‌رێ سه‌روكێ روسیا ژ بو سووریێ ئه‌لكسندر لافرینتیڤ د گوتارا خوه ده د گه‌را 11ان یا دانوستاندنێن ئاسیتانا دیاركر كو گه‌له‌ك پرس هه‌نه پیویسته وه‌رن گفتوگو كرن لێ ل سووریێ ره‌وش ئیدى به‌رڤ ئارامیێ ڤه دچه .
لاڤرنتیڤ ئه‌شكه‌ره كر كو ره‌وش وزانیاریێن داوى نیشانا سه‌ركه‌فتنا ئوپراسیونا سویدا دكه وشكاندنا داعشێ ل وێ ده‌ڤه‌رێ ددن , ونه‌ها ئه‌مێ ئوپراسیونا خوه به‌رفره‌ه بكن ل دژى تیروریستان هه‌تا ئه‌م بگهێن ده‌ڤه‌را دناڤبه‌را روژهه‌لاتێ چه‌مێ فه‌راتێ و سینورێ سوری عیراقی .
لاڤرینتیڤ گه‌شبینیا خوه ب سه‌ركه‌فتنا روسیا د ئوپراسیونا باقژكرنا سینورێ سووریێ وعیراقێ وروژهلاتێ چه‌مێ فه‌راتێ دیاركر وئه‌شكه‌ره كر كو ئه‌ڤ مژار وگه‌له‌ك مژارێن دن یێن تایبه‌ت ب ره‌وشا سووریێ وێ د ڤێ گه‌را دانوستاندنان وه‌رن گفتوگو كرن .
ئه‌ڤ یه‌ك تێ د ده‌مه‌كێ ده كو سه‌وركێ توركیێ ره‌جه‌ب ته‌یب ئه‌ردوگان سوزا تێكبرنا داعشێ د چه‌ندا هه‌یڤا ده دا .
سه‌روكێ توركی ره‌جه‌ب ته‌یب ئه‌ردوگان د گوتاره‌كێ ده ل پێشیا په‌رله‌مانێ وه‌لاتێ خوه دیاركر كو وان ده‌ست ب شكاندنا داعشێ كربو وكه‌سێن كو دبێژن ئه‌م شه‌رێ وان دكن تو گرنگیێ نادن بابه‌تێ .
ئه‌ردوگان سه‌رباكر وگوت تو چه‌كدارێن داعشێ ل سووریێ نه‌بون بته‌نێ گروپێن بچوك بون لێ ئه‌و هاتن راهینانكرن وپه‌روه‌رده‌كرن ژ بو تێكدانا ره‌وشا ده‌ڤه‌رێ د بن ناڤێ داعش ده .
257
