رێخستنا هيومان رايتس ووتش راپورته‌ك ده‌ربارێ عه‌فرينێ بلاڤكر
هيومان رايتش ووتش د راپۆرته‌كه خوه ده راگهاند كو گرووپێن چه‌كدار ده‌ستێ خوه دانينه سه‌ر مال وملكێن وه‌لاتيێن عه‌فرينێ و وژ خوه ره دزينه و وان چه‌كداران مالباتێن خوه ل شوونا مالێن وه‌لاتيێن عه‌فرينێ ب جهه كرنه بێ كو خوه‌ديێن ره‌سن قه‌ره‌بوو بكن.
بريانكا موتابارسي رێڤه‌به‌را ده‌مكي يا به‌شێ هاوه‌چوونێ د هيومه‌ن رايتس ووتش ده گۆت پێويسته گرووپێن چه‌كدار كه‌سێن ژ به‌ر شه‌ر ره‌ڤييانه ل جهێ وه‌لاتييان ده بجه نه‌كن ول شوونا كو سڤيلان بپارێزن ئه‌و د بنپێكرنێن خوه هه‌ر دچه كوورتر دبن وبه‌رفه‌ره تر دبن .
ده‌ربارێ هه‌ژمارا كه‌سێن ژ عه‌فرينێ ژ به‌ر شه‌ر وپه‌ڤچوونان ده‌ربه‌ده‌ر بوونه نه‌ته‌وێن يه‌كگرتي راگهاند كو 137 هه‌زار كه‌س ژ عه‌فرينێ ده‌ربده‌ر بوونه وپرانييا وان ل فافين و تل رفعه‌ت تل قراح تل سۆسين ونبل وزهراي وبه‌شك ژوان ل هه‌رێما جزيرێ و كوبانێ ده‌ربده‌ر بوونه.
ول هه‌مبه‌ري وێ ول گور ژێده‌رێن خوه‌جهي ژ ئه‌نجومه‌نێن خوه‌جهي يا عه‌فرينێ كو ده‌ردۆرا 120 هه‌زار ژ خه‌لكێ غوته‌يا روژهه‌لات و قه‌لموون وشامێ ل عه‌فرينێ بجه بوونه وئه‌و يه‌ك ژ ئاليێ ئازاد عوسمان ڤه هاته ته‌كه‌ز كرن وژ ئاركێ ره گۆت نێزيك 120 هه‌زار ژ غووته‌يا رۆژهه‌لات ل عه‌فرينێ بجه بوونه .
هيومه‌ن رايتس ووتش ل سه‌ر رووپه‌لا خوه ته‌كه‌ز دكه كو هه‌ڤديتن ب دوو مالباتێن عه‌فرينێ ره يێن ده‌ربده‌ري قامشلو بوونه كريه ووان هه‌ردوو مالباتان دانه زانين كو گرووپێن چه‌كدار ده‌ستێ خوه دانينه سه‌ر مالێن وان و كه‌ل وپه‌لێن ناڤ مال ژ خوه دزينه ول گور وان هه‌ردوو مالباتان كو تێ گومانكرن كو هه‌ر ژ ئه‌حرار الشرقيه وجيش الشرقيه ب وێ كارێ رابوونه .
ته‌ڤي كو دادوه‌رێ گشتي د چه‌كدارێن ئارتێشا نشتيماني داخويانييه‌ك د 9 مه‌ها ئادارێ بلاڤكر وتێده ژ خه‌لكێ عه‌فرينێ خوه‌ست گه‌ليێن خوه ل باره‌گه‌ها له‌شكري ل باژارێ عزازێ پێشكێش بكن لێ تا نها كارێ دزيێ به‌رده‌وامه .
شێخۆ عه‌فريني
479
