شانده‌ك ژ پارتیا ده‌مۆقراتا كوردستان - سووریا ل گه‌ل سه‌رۆك بارزانی جڤیا
آرك نيوز... نڤیسگه‌ها راگهاندنا ناڤه‌ندی یا پارتیا ده‌مۆقراتا كوردستان - سووریا, لێدوانه‌كه نڤیسكی به‌لاڤ كر, تێ ده ناڤه‌رۆكا جڤینا شانده‌كێ ژ پارتی ل گه‌ل سه‌رۆك مه‌سعوود بارزانی دیار كر.
نڤیسگه‌ها راگهاندنا ناڤه‌ندی یا پارتیا ده‌مۆقراتا كوردستان - سووریا د لێدوانا خوه ده وه‌ها گۆتیه: "ئیرۆ 12ێ ته‌باخا 2023یان, شانده‌ك ژ پارتیا مه ده‌مۆقراتا كوردستان - سووریا, ل سه‌له‌حه‌دین, ل گه‌ل سه‌رۆك مه‌سعوود بارزانی جڤیا".
دا زانین "شاند ژ محمد اسمایل, سه‌ركره‌ته‌رێ پارتی, و سه‌عید عومه‌ر ئەندامێ پۆلیتبیرۆیێ, و به‌رپرسێ نڤیسگه‌ها په‌یوه‌ندیێن نشتیمانی یا پارتی پێك دهات, ژ ئالیێ سه‌رۆك مه‌سعوود بارزانی و ئازاد به‌رواری, ئەندامێ پۆلیتبیرۆیا پارتیا ده‌مۆقراتا كوردستانێ یا برا ڤه هات پێشوازیكرن".
د لێدوانێ ده هاتیه: "شاندا پارتیا مه ل گه‌ل جه‌نابێ سه‌رۆك بارزانی, ره‌وشا سیاسی ل ده‌ڤه‌رێ و یا گرێدایی ب دۆزا كوردی ب گشتی گۆتووبێژ كر, هه‌ر وه‌ها به‌هسا ره‌وشا پارتی ژ هه‌ر واره‌كی ده, پشتی كۆنگرا 12ان هات كرن".
نڤیسگه‌ها راگهاندنا ناڤه‌ندی یا پارتیا ده‌مۆقراتا كوردستان – سووریا ته‌كه‌ز كر كو "شاندا پارتیا مه ب گوهدانه‌كه به‌رچاڤ ل ئاخافتن, نه‌رین و تێبینیێن سه‌رۆك مه‌سعوود بارزانی گوهدار كرن, و سه‌رۆك بارزانی ته‌كه‌زی ل سه‌ر پشتگری و پشته‌ڤانیا پارتیا مه كر".
ش.ع
1477
