ئهنهكهسێ تهرۆركرنا ئهحمهد شێخۆ ل عهفرينێ شهرمهزار دكه
ئهمينداريا گشتي يا ئهنجومهنا نشتيماني ياكوردي ل سوريێ داخويانييهك دهربارێ بنپێكرنێن گرووپێن چهكدار و تهرۆركرنا ئهحمهد شێخۆ چێگرێ سهرۆكێ ئهنجومهنا خوهجهي يا ناڤچهيا شيێ ژ ئاليێ گرووپا عهمشات ڤه بلاڤكر.
د داخويانييا ئهنكهسێ ده هاتيه : ژ دهسپێكا دهرباسبوونا گرووپێن چهكدار ژ ناڤه عهفرينێ و دهست ژ كارێ بنپێكرن و تاوانێن خوه دژي وهلاتيێن عهفريني بهرنهدانه ودوور ژ رهوشتا مرۆڤي و پرنسێپێن ئولي كارێ دزي وتالانكرنا مال وملكێن وهلاتييان و شهوتاندنا ژێرخانهيان و رووخاندنا شوونوار وكارێِ و رهڤاندن و ئهشكهنجهكرنا وهلاتيێن رادبن ئهو ژي ب مهبستا گوهارتنا دهموغرافيا عهفرينيێ و رێگري ژ ڤهگهرا وهلاتييا عهفرينێ ره دروست دكن.
داخويانيا ئهنجومهنا نشتيماني ياكورد ل سوريێ ههروهها دد خويا كرن كو ئهو كريارێن ل پێش چاڤێن جڤاكا ناڤدهولتي تێنه ئهنجامدان كو تهڤي بانگێن ههردهم تا نها تو ههول ژ بۆ راوهستانا وان كريارێن گرووپان نه هاتنه گرتن.وگهشته ئاستا كو ب ئهشكهره وهلاتييان تهرۆبكن.
ويا ههري داويێ تهرۆركرنا ئهحمهد شێخۆ چێگرێ سهرۆكێ ئهنجومهنا خوهجهي يا ناڤچهيا شيێ وئهندامێ پارتيا دهموقراتا كوردستان سوريا د دبن ئهشكهنجێ ده كو پشتي رهڤاند وبنچاڤ كرنا وي ب دوو رۆژان وژ بهر لێدان وئهشكهنجهيێ ژيانا خوه ژ دهست دا.
ئهنچومهنا نشتيماني ياكوردي د داخويانيا خوه دا كريارا تهرۆركرنا ئهحمهد شێخۆ و بنپێكرنێن كو ئهو گرووپێن چهكدار بێ رادبن شهرمهزار دكه وئارتێشا توركيێ برپرس د پارستنا سڤيلان و مال ملكێن وان ده دبينه و دابين كرنا ئهولهكاري و ئاشتيێ و خزمهتگوزاريێ ژ وهلاتييان ره و وهك دهولهتهك داگيركر ژ عهفرينێ ره دخه ستوێ ئارتێشا توركيێ ده.
ئهنهكهسێ د داخۆيانييا خوهده بانگ ل توركيێ دكه كو سينۆرهكێ ژ ڤان كرياران ره دينه ووان گرووپان ژێ عهفرينێ دهرخينه و ههرێما عهفريێن رادستي وهلاتيێن عهفرينێ بكه داكو وهره پارستن. ههروهها بانگ ل ههڤپهيمانييا نشتيماني يا ئوپوزسيونا سوريێ دكه كو كريارێن گرووپان شهرمهزار بكه .
د داويا داخويانييا خوه ده ئهنجومهنا نشتيماني يا كوردي بانگ ل ئهنجومهنێن وهلاتێن ب باندۆر و رێخستنێن نهتهوێن يهكگرتي و رێخستنێن ماڤناسيێ كو ل دژي كريارێن وان راوهستن وئاليكاريان پێشكێشي وهلاتيێن عهفرينێ بكن ههروهها بانگ ل وهلاتيێن عهفرينێ دكه كو ب خاكا خوه ڤه گرێدايبن ودهست ژ خاكا خوه بهرنهدن وكار ژبۆ ڤهگهرا دهربدهران بكن .
شێخۆ عهفريني
562
