ئەنەكەسێ پێشوازی ل دامهزراندنا دهزگهههكێ د نهتوێن یهكگرتی بۆ دیاركرنا چارهنڤیسا ههموو گرتی ورهڤاندییان ل سهرناسهری سووریێ كر
ئهمینداریا گشتی یا ئەنجوومهنا نشتیمانی یا كوردی ل سووریێ پێشوازی ل دامهزراندنا دهزگهههكه د نهتوێن یهكگرتی بۆ دیاركرنا چارهنڤیسا ههموو گرتی, رهڤاندی, وندابوویی و ونداكریێن بنهچاری ل سهرناسهری سووریێ كر, و ب گاڤهكه گرینگ و ئەرێنی ب ناڤ كر.
ئهنەكەسێ ده داخویانیا خوه ده دا زانین: ههڤدهمێ, وهلاتێن ئەرهبی و ناڤنهتوهی ب ئاسایكرن و ڤهگهراندنا پهیوهندیێن ب رێژیما سووریێ ره مژوول ن, كۆمهلهیا گشتگیر د نهتوێن یهكگرتی د 29ێ حزێرانا 2023یان ده, دهزگهههك كو یهكهم جارە, بۆ دیاركرنا چارهنڤیس و جهێن ههموو وندابووی و ونداكریێن بنهچاری, و پێشكێشكرنا پشتهڤانیا پێویست بۆ مالباتێن وان, دامهزراند.
ئهنەكەسێ تهكهز كر كو: دامهزراندنا دهزگهههكێ بۆ دیاركرنا چارهنڤیسا گرتی و وندابوویێن شهرێ سووریێ, دێ هێڤیهكێ بده مالباتێن وان و ههموو گرتی و رهڤاندیێن ژ ئالیێ دهسههلاتداریێن جودا ل سووریێ ژی, ل خوه دگره د سهری رێژیما سووریێ, كو ونداكرنا بنهچاری وهكه فشار و چهكهكێ بۆ ترساندنا دژبهرێن خوه و مالباتێن وان ب كار ئانی.
ئهنەكەسێ ئانی زمان ژی: دامهزراندنا دهزگهههكێ بۆ دیاركرنا چارهنڤیسا گرتی و وندابوویان, گاڤهكه ناڤدهولهتی گرینگە, دێ رێژیما سووریێ و دهستههلاتداریێن جودا ل سهر ئەردنیگاریا سووریێ ل سهر دیاركرنا چارهنڤیس و سهربهستبهردان وان نهچار بكه, نهخاسم كو ههژمارهك ژ گرتیێن كورد كو چارهنڤیسا وان نه دیارە د زیندانێن رێژیما سووریێ و دهستههلاداریێن خوهسهپاندی ل دهڤهرێن كوردی ده ههنه.
ئهنەكسێ گۆت بریارا دادگهها دادپهروهریا ناڤدهولهتی دهربارێ دۆزا كو ههر یهك ژ كهنهده و هۆلاندا ل سهر زیندانێن رێژیما سووریێ و ئەشكهنجهكرنا گرتیان, پێشكێش كرنه, دایه, پر گرینگە و سپاسی ههر وهلاتهكی كو ل كێلهك گهلێ سووریێ راوهستیا, كر و گاڤێن وهها ژ ئالیێن نهتوێن یهكگرتی ب گاڤنه ئەرێنی و ل سهر رێیا راست, بۆ سڤكرنا دهردهسهریا سووریان دیت, ئەو ژی ژ بۆ دابینكرنا ژینگهههكه گونجاو بۆ دیتنا چارهسهریێ ژ كریزا سووریێ ل گۆری بریارێن ناڤدهولهتی 2254 ب سهرپرهشتیا ئالیێن ناڤدهولهتی.
175