ئەنەكەسێ ژبۆ رەوشا حەسەكێ بانگ ل جڤاكا ناڤدەولتی وئەمەریكا ورووسیا كر
دهربارێ پرسگرێكا برین و نهبوونا ئاڤێ ل باژارێ حهسهكێ و گوندهوارێ وێ, ئەمینداریا گشتی یا ئەنجوومهنا نشتیمانی یا كوردی ل سووریێ بانگ ل جڤاكا ناڤدهولهتی و ئالیێن بهرپرسیار كر كو د زووترین دهم ده كێشهیێ چارهسهر بكن و ئێش و ئازارێن ژ دهرهنجامێن وێ دهركهتنه ب داوی بینن.
ئهنجوومهنا نشتیمانی یا كوردی ل سووریێ د داخویانیا خوه ده گۆتیه: دهردهسهریا شێنیێن ههر دو باژارێن حهسهكێ و تل تهمرێ و باژارۆك و گوندێن ب سهر ڤه, د دابینكرن و پهیداكرنا ئاڤا ڤهخوارنێ بهردهوامە, كو ژ چهند سالان ڤه ههیه نهخاسم د وهرزێ هاڤینێ ده مهزن و بهرچاڤ دبه, ئێدی دیمهنێن راوهستاندنا وهلاتیان د سرهیێن بدهسخستنا چهند دلۆپێن ئاڤێ ژ بۆ گهوریێن خوه شل بكن, بئێش و روورهشن, لهوما نهچار دبن, ئاڤا نهڤهخوارنێ ب كار بینن و ئەو یهك دبه سهدهما بهلاڤبوونا نهخوهشی و پهتهیان.
ئهنكسێ دایه زانین كو پرسگرێكا ئاڤێ پشتی دهستهسهركرنا كۆمێن چهكدار یێن ئالیگرێن توركیێ, ژ وێستگهها ئاڤێ ل گوندێ ئەلووك ل گوندهوارێ سهرێ كانیێ ل سهر سینۆر, تێ, كو ئاڤا ههر دو باژاران ژ وێ وێستگههێ بوو, و ئێدی دهستێ خوه دانین سهر وێستگههێ و دهستهسهر كر, ههڤدهمێ كو پرسگرێك مهزن بوو, رێڤهبهریا پەیەدێ تهڤی كارین و شیانا وێ د دیتنا چارهسهریێن شوونگر و بهدیل ههیه, لێ تو گاڤ و كهدهك د ڤێ دهربارێ ده نهكر و نهئاڤێت, ژ وێ دهمێ ڤه, تیكرنا وهلاتیان بوو داربدهستهك بۆ فشار و بههڤگوههرتنا تۆمهتان ل سهر ئەلهكتریك و ئاڤێ ناڤبهرا ههر دو ئالیان ده.
ئهنجوومهنا نشتیمانی یا كوردی ل سووریێ ههڤدهمێ بكارانینا ئێش و دهردهسهریا وهلاتیان و پێدڤیێن وێ وهكه فشارێن سیاسی و لهشكهری شهرمهزار كر د ههمان دهمێ ده بانگ ل ههر یهك ژ جڤاكا ناڤدهولهتی, رێخستنێن مرۆڤی, و ئالیێن ئەمهریكی و رووسی كو ههژموونا وان ل دهڤهرێ ههیه, كر كو دهستێوهدانێ بكن و د زووترین دهم ده پرسگرێكێ چارهسهر بكن, و ژیانا خهلكێ ژ ناكۆكیێن سیاسی دوور بخن, ههروهها پشتهڤانیا پێویست ژ بۆ پرۆژهیێن دهرخستنا ئاڤێ ژ ژێدهرێن بهردهوام پێشكێش بكن, دا كو داوی ب ڤێ فهلاكهت و كارهسهتا مرۆڤی وهره.
211