ئهنەكەسێ ئێریشا ل سهر بارهگهها پەدەكەسێ شهرمهزار كر و بانگ ل پەیەدێ كر كو دهست ژ كریارێن ترساندنێ بهردن
ئهمینداریا گشتی یا ئەنجوومهنا نشتیمانی یا كوردی ل سووریێ ئێریشا ل سهر بارهگههه پارتیا دهمۆقراتا كوردستان - سووریێ ل رۆژاڤایێ كوردستانێ ب توندی شهرمهزار كر, و بانگ ل پەیەدێ و چهكدارێن ب سهر ڤه كر كو دهست ژ كریارێن ترساندنێ بهردن.
ئهنجوومهنا نشتیمانی یا كوردی ل سووریێ د داخویانیا خوه ده گۆتیه: د دهرهنگیا شهڤا 4ێ تیرمهها 2023یان ده گرووپهكه رووپێچایی ئێریشی بارهگهها پەدەكەسێ ل باژارۆكێ گركێ لهگێ كر و ئالا كوردستانێ و لۆگۆیا پارتی شهوتاندن, و بوو سهدهما بهلاڤبوونا رهوشهكه ترسێ د ناڤا نشتهجی و زارۆكێن وان ده.
ئهنجوومهنا نشتیمانی یا كوردی ل سووریێ ئەڤ كریار ب توندی شهرمهزار كر و د داخویانیا خوه ده بۆ رایا گشتی زهلال كریه كو ئەڤ كریار ب بهردهوامی ل دژی نڤیسگهه و بارهگههێن ئەنجوومهنا نشتیمانی یا كوردی و پارتی و پێكهاتهیێن وێ د ناڤا ئەنجوومهنێ, ل سهر دهستێ پەیەدێ و باسكێن وێ, ب ههموو ناڤ, رهنگ و شێوهیا خوه یێن ب سهر ڤه تێنه ئەنجامدان, وههڤدهمێ كو ڤان كریاران ب توندی رسوا و شهرمهزار دكه, بانگ ل پەیەدێ دكه كو دهست ژ بنپێكرنێن خوه د دهرمافێ شێنی, جڤاك و ئەنەكەس ده دكن بهردن.
ئهنەكەسێ د داویا داخویاننیا خوه ده تهكهز كریه كو ئارمانجا پەیەدێ ژ ڤان كریاران دروستكرنا گرژیهكه بێتر و بێهێڤیكرنا خهلكێ یه دا كو كۆچبهر ببن ههروهها خهرابیێ بگهینه كوردان و خهباتا وان یا نهتهوی و نشتیمانی.
193