پارتیا ده‌مۆقراتا كوردستان - سووریا داخویانیا داوین پشتی كۆنگرا خوه یا 12ان ب داوی ئانی ژ رایا گشتی ره به‌لاڤ كر
آرك نيوز... پارتیا ده‌مۆقراتا كوردستان - سووریا, داخویانیا داوین پشتی كۆنگرا خوه یا 12ان ب داوی ئانی ژ رایا گشتی ره به‌لاڤ كر.
پەدەكەسێ د داخویانیا خوه ده وه‌ها گۆتیه: د چارچۆڤه‌یا دو رۆژان, د 10- 11ێ حزێرانا 2023یان, كۆنگرا 12ان یا پارتیا ده‌مۆقراتا كوردستان - سووریا ب رێ ڤه چوو, و ل ژێر ڤان سلۆگانان كارێ خوه كر:
ژ بۆ ئەكتیڤكرنا رۆلا پارتی و ده‌زگه‌هێن وێ
ژ بۆ ئەكتیڤكرنا رۆلا ژن, خوه‌نده‌كار و جوانان د پارتی ده
ژ بۆ ئەكتیڤكرنا رۆلا ئە‌نجوومه‌نا نشتیمانی یا كوردی و یه‌كبوونا گۆتارا وێ
ژ بۆ سووریایه‌كه ده‌مۆقرات و پرژمار و بێ هه‌بوونا ته‌رۆریست, توندی و نژادپه‌ره‌ستیێ
ژ بۆ دابینكرنا مافێن گه‌لێ كورد یێن ره‌وا د وه‌لاته‌كی یه‌كگرتی, و ژناڤبرنا هه‌موو پرۆژه‌یێن شۆفینی, و چاره‌سه‌ركرنا ئەنجامێن وێ و گه‌رانتیكرنا مافێن هه‌موو پێكهاته‌یان
ژ بۆ ڤه‌گه‌را كوردان بۆ وارێن خوه و رێگریكرنا گوهه‌رتنا ده‌مۆگرافی
ژ بۆ راوه‌ستاندنا بنپێكرنان د هه‌موو ده‌ڤه‌رێن كوردی ده.
كۆنگر ب گۆتاره‌كێ ژ سه‌رۆكێ كۆمیتا ئاماده‌كار ده‌ست پێ كر, تێ ده بخێرهاتنا سه‌رۆك مه‌سعوود بارزانی, و شاندا پێ ره ژ سه‌ركردایه‌تیا پارتیا برا, كر پشت ره خوله‌كه بێده‌نگ ل سه‌ر جانێ پاكره‌وانێن ئازادیێ, پاكره‌وانێن گه‌لێ كورد د سه‌ری ده بارزانیێ نه‌مر و پاكراوان نه‌سره‌دین برهك, وبیرانینا خه‌باتكارێ ره‌ڤاندی به‌هزاد دۆرسن, و شه‌هیدێن مالباتا شێخ نعسان, ل گه‌ل سروودا ئە‌ی ره‌قیب, ده‌ست پێ كر, سه‌رۆك مه‌سوود بارزانی گۆتاره‌كه دیرۆكی پێشكێش كر باندۆرا وێ یا ئەرێنی ل سه‌ر ئەندامێن كۆنگر هه‌بوو و ئاماده‌بوونا سه‌رۆك گرینگیه‌كه مه‌زن و هێژا دا كۆنگر.
پشتی كو سه‌رۆك كۆنگر ب جی هشت, كۆمیته‌كه رێڤه‌بر, هات دامه‌زراندن و به‌لگه‌نامه‌یێن كۆنگر هاتن خوه‌ندن, وه‌كه راپۆرتا سیاسی, به‌رنامه‌یا سیاسی و سیسته‌ما هوندرین یا رێخستنی, كو پشتی هاتن خوه‌ندن و گۆتووبێژكرن, هاتن په‌سه‌ندكرن, سه‌رباری دو كۆمیتا بۆ گلی و پێشنیاران و راسپارتنێ هاتن دامه‌زراندن.
كۆنگرێ گرینیگیپێدانه‌كه به‌رچاڤ دا ره‌وشا سیاسی ل سه‌ر ئاستا ناڤده‌وله‌تي, ناڤنه‌ته‌وی, و كریزێن ل ده‌ڤه‌رێ د سه‌ری ده كریزا سووریێ, و دیتنا چاره‌سه‌ریێن سیاسی ئاشتیانه ل گۆری ده‌ره‌نجامێن جنێف 1 و بریارێن ناڤده‌وله‌تی, نه‌خاسم بریارا 2254, د ڤێ ده‌ربارێ ده كۆنگرێ ته‌كه‌زی ل سه‌ر كارێ ل گه‌ل هه‌ڤپه‌یمانیا نشتیمانی یا هێزێن شۆره‌ش وئوپۆسزیۆنا سووریێ كر, و په‌یوه‌ندی ل گه‌ل هه‌موو ئالیێن ئوپۆسزیۆنێ یێن نشتیمانی, د رێیا ئاڤاكرنا سووریایه‌كه نوو ل سه‌ر بنگه‌ها یه‌كگرتی واته نه ناڤه‌ندیا سیاسی, دا كو مافێن هه‌موو پێكهاته‌یێن نه‌ته‌وی, ئولی, سیاسی و مافێن گه‌لێ كورد وه‌كه پێكهاته‌یه‌ك سه‌ره‌كه د وه‌لێت ده ل سه‌ر ئاخا خوه یا دیرۆكی دژی پاراستی به, و گه‌ره‌نتیا مافێ وێ د ده‌ستوورێ ده ل گۆری په‌یمان و به‌لگه‌نامه‌یێن ناڤده‌وله‌تی.
كۆنگرێ هه‌ژماره‌ك ژ بریارێن ب مه‌به‌ستا پێشخستنا پارتی, كار و خه‌باتا وێ ستاندن, و سه‌ركردایه‌تیه‌كه نوو هلبژارت و ته‌كه‌زی ل سه‌ر نه‌گۆرێن خه‌باتا پارتی كر, وه‌كه ته‌كه‌زی ل سه‌ر رێبازا كوردایه‌تیێ, رێبازا بارزانیێ نه‌مر, و پابه‌ندبوونا ب هێلا پرۆژه‌یا نه‌ته‌وی كوردستانی یا ب سه‌رۆكاتیا سه‌رۆك مه‌سوود بارزانی, و گرینگیپێدان ب دانهه‌ڤا مالا كوردی ل سووریێ, ئەو ژی د رێیا بهێزكرنا رۆلا ئە‌نجوومه‌نا نشتیمانی یا كوردی د ناڤا گه‌ل ده و ئەكتیڤكرنا رۆلا سیاسی, نه‌ته‌وی و نشتیمانی د رێیا ئەكتیڤكرنا ده‌زگه‌ه و باره‌گهێن خوه و كار ل سه‌ر بهێزكرنا رۆلا ئە‌نیا ئاشتی و ئازادیێ د ناڤا گه‌ل و ئالیێن نشتیمانی ده.
د وارێ رێخستنی ده كۆنگرێ ته‌كه‌زی ل سه‌ر یه‌كبوونا پارتی د وارێ رێخستنی, هزری و سیاسی, و كارێ هه‌ڤبه‌ش و به‌رده‌وام یێ هه‌موو ئەندامان, ژ بۆ پێشخستنا پارتی و بهێزكرنا كار و خه‌باتا سیاسی و جه‌ماوه‌ری كر و محمد اسماعیل وه‌كه سه‌كره‌تێرێ پارتی هلبژارت.
د داویێ ده, سه‌ركردایه‌تیا نوو, سپاسنامه‌یه‌ك بۆ سه‌رۆك مه‌سوود بارزانی, و سه‌ركردایه‌تیا پارتیا برا پارتیا ده‌مۆقراتا كوردستانێ, ل سه‌ر مێڤانداری, و گوهدانێ ل سه‌ر سه‌ركه‌فتنا كارێن كۆنگر كر
ش.ع
269
