دەستەیا دانوستاندكارا سوریێ لگەل بێدرسۆن لجنێفێ جڤیا

ارك نیوز.. پشتی سێ سالان ژ راوەستاندنا جڤینێن دەستەیا دانوستاندكارا سوریێ ل جنێفێ جارەكە دن دەستەیا دانوستاندكار ڤەدگەرە وئیرۆ شەمیێ دەست ب جڤینێن خوە دكە و وێ دوو رۆژان درێژ بكە.

دەستەیا دانوستاندكارا سوریێ لسەر روپەلا خوە یا فەرمی راگهاندبو كو ئەوێ د جڤینێن خوە دە تەكەزیێ لسەر بلندكرنا ئاستا هەماهەنگیێ وكاری هەڤبەش بن سیبەرا دەستەیا دانوستاندكار ژبۆ دووبارە ئەكتیڤكرنا پرۆسەیا سیاسی و دیتنا چارەسەریەكە لگۆری بریارا ئەنجومەنا ئەولەهیا ناڤدەولتی یا ژمارە بیست و دوو پێنجی و چار بكن.

هەروەها بدر الجاموس سەرۆكی دەستەیا دانوستدكارا سوریێ ژ رژنامەیا العربی الجدید رە ئەشكەرە كر كو ئەجندا جڤینێن وان ل جنێفێ ئارمانج ژێ گەنگەشەكرنا گوهەرتنێن ناڤدەولتی و گوهەرتنێن كو د دۆسەیا سوریێ دە دروست بوونە ، كریزا مرۆڤی لسوریێ بتایبەتی پشتی روودانا عەردهەژا وەیرانكەر، هەروەها دەرخستنا داخویانیەك سیاسی یەكبوویی كو تێدە هەولویستا خوە ژ تەڤایا پێشهاتە وپێشڤەچوونێن سیاسی دەربارێ كریزا سوریێ دیار بكن.

بەریا دەستپێكرنا دەستەیا دانوستاندكارا سوریی ژ جڤینێن خوە رە دۆه ئینێ دەستەیێ هەڤدیتنەك لگەل گێر بێدرسۆن شاندەیێ ناڤدەولتی یێ تایبەت بۆ سوریێ ئەنجام دا و د جڤینێ دە پرۆسەیا سیاسی و میكانیزمێن ئەگەركری ژبۆ پێشڤەبرنا چارەسەریا سیاسی و جیبجیكرنا ب تەمامی ژ بریارا ناڤدەولتی یا ژمارە بیست و دوو پێنجی وچار گۆتوبیژكرن هەروەها بحسا كارینێن نەتەوێن یەكگرتی ژبۆ جیبحیكرنا بریارا ناڤنەتەوی و بداویئانینا دەردەسەری و ئێش وئازارین سوریان كرن.

ژ ئالیی خوەڤە ئەندامێن دەستەیا دانوستاندكارا سوریێ د جڤینێ دە تەكەز كرن كو نەتەوێن یەكگرتی سیبەرا فەرمی و سەرپرشتا پرۆسەیا دانوستاندنێ یا دەربارێ سوریێ یە و بریارا بیست و دوو پێنجی و چار نەخشەریێا چارەسەریا سیاسی ژ كریزا سوریێ یە كو ب ریێا وێ سەقەمگەری و ئەولەهی لسوریێ پەیدا دبە و دەردەسەیا سوریان بداوی تێ.

هەروەها دەستەیا داوستاندكار هۆشداری ژ مەترسیا نەگوهدانا ب رەوشا سوریێ بڤی رەنگی ژ ئالیێ جڤاكا ناڤدەلتی دا.

و تەكەز كر كو بهێزبوونا دەستەیا دانوستاندكار ب رژدبوونا وێ ب ئارمانج و پرەنسیپین شۆرشێ ڤەیە و پێویستە تەڤگەرەك ناڤدەولتی مەزتر هەبە ژبۆ پێكئانینا چارەسەریا سیاسی و جیبجیكرنا بریارێن ناڤدەولتی یێن تایبت ب دۆسەیا سوریێ .

دڤێ دەربارێ دە ژ ئالیێ خوەڤە ئبراهیم برۆ نوونەرێ ئەنجومەنا نشتیمانیا كورد لسودیێ دناڤا دەستەیا دانوستاندكارا سوریێ راگهاندبوو كو دەستەیی و ی زنجیرەك جڤین و هەڤدتنان د رۆژێن بی دە ل جنێفێ ئەنجام بدە و ئەشكەرە كر كو رۆژا چارێ مەهێ واتە رۆژا یەكشەمێ نوونەرین ژمارەیەك وەلات رە دناڤ دە ئەمەریكایێ رە وێ لگەل دەستەیا دانوستاندكار سوریێ بجڤە و رۆژا دوشەمێ رێكەفتا پێنجێ حزێرانێ جڤینێن دەستەیی لجنێفێ بداوی تێن.

148