خۆپێشاندان ل دژي كريارێن چهكداران ل ناڤچهيا مابهتا
پشتي گرتنا دهردۆرا سهد كهسي ژ وهلاتيێن ناڤچهيا موبهتا ژن وكالێن گوند وناڤهندا ناڤچهيێ ب خۆپيشاندهك دژي گرووپێن چهكدار رابوون داكو وان گرتييان سهربست وهرن بهردان.
رۆژا دوشهمێ يازدههێ مهها حزێرانێ گرووپێن چهكدار يێن ل ناڤچهيا موبهتا دمينن ههلمهتهكه گرتن وبنچاڤكرنا وهلاتييێن كورد يێن ناڤچهيا موبهتا كرن وئيريش برن سهر مالێن وهلاتييان وهژمارهك مهزن ژ خهلكێ گوندێن دهردۆرا مهبهتا و خهلكێ ناڤهندێ گرتن وژ بۆ زيندانێن خوه برن.
پشتي وێ ههلمهتێ ب دهمهكه كورت ژن وپير وكالێن ناڤچهێ ب خوپيشاندهكێ ل دژي كريارێن گرووپێن چهكدار دهركهتن و ژوان چهكداران خوهستن كو وان گرتييان سهربست بهردن ل گۆر ژێدهرێن خوهجهي راگهاندنه كو تهڤي راوستانا گرووپێن چهكدار ل پێشيا خوهپيشادهران و گوله ل ئهسمان ده بهردان كو د ئهنجامدا ژنهك كورد بريندار بوو لێ خهلكێ گوند ب كهڤران ل ههمبهر وان راوستيان ول سهر داخوازێن خوه رژد بوون ژبهر رژد بوونا خهلكێ گرووپێن چهكدار نهچار بوون ولاتيێن گرتي سهربست بهردن.
د ڤێ دهما داويێ ده گهلهك رهوشێن بنپێكرنێن ژ ئاليێ گرووپێن چهكدار دهرحهقێ وهلاتيێن عهفرينێ دهركهتن كو پشتي گرتنا وهلاتيێن شيێ ژ ئاليێ گرووپا عهمشات ڤه گرووپێن عهمشات يێن ل ناڤچهيا شيێ چێگرێ سهروكێ ئهنجومهنا خوهجهي يا شيێ ئهحمهد شێخۆ دبن ئهشكهنجێ ده تهرۆركن.
ههروهها ژ بهر ناكوكييان ههر دهمهكه خوه بخوه ب ههڤ دكهڤن وشهر دكن دۆه رۆژا دۆشهمێ پشتي فتارێ شهرهك دناڤبهرا گرووپێن چهكدار ل قادا ئازادي و تا خا مهحمووديێ يا ناڤهندا باژێر دهركهت و د ئهنجامدا بريندار وكوشتي كهتن .
شێخۆ عهفريني
646
