دەریێ پێشخابوورێ: ئەم نكارن ته‌ماشه‌ڤانێن ته‌ڤگه‌رێن پەیەدێ یێن زۆردار, دكتاتۆر, نه‌ كورد و نه‌ مرۆڤانه‌ بمینن

دەریێ پێشخابوورێ: ئەم نكارن ته‌ماشه‌ڤانێن ته‌ڤگه‌رێن پەیەدێ یێن زۆردار, دكتاتۆر, نه‌ كورد و نه‌ مرۆڤانه‌ بمینن

May 16 2023

آرك نيوز... رێڤه‌به‌ریا ده‌رگه‌هێ پێشخابوور داخویانیه‌ك به‌لاڤ كر تێ ده‌ گۆت: دڤێ پەیەدێ ده‌ڤ ژ سلۆگانێن خوه‌ یێن سه‌خت و ده‌ره‌و به‌رده‌ یێن كو تو كه‌س نه‌ما كه‌س باوه‌ریێ پێ دكه‌, و به‌رده‌وامیا وان د دكتاتۆریه‌ت و سته‌مكاریێ ده‌ كو نه‌شته‌جیبوونا ب نه‌چاری كریه‌ بژارده‌یه‌كه‌ ته‌كانه‌ ل پێشیا مله‌تێ مه‌ یێ كو گه‌له‌ك ئێش و ده‌رد ل سه‌ر ده‌ستێ وێ دیتنه‌.

رێڤه‌به‌ریێ دایه‌ زانین: ده‌رگەهێ پێشابوور-سێمالكا ب بریاره‌كێ ژ ئالیێ سه‌رۆك مه‌سعوود بارزانی ڤه‌ هاته‌ ڤه‌كرن, ژ بۆ ئالیكاریا مله‌تێ مه‌ ل رۆژئاڤایێ كوردستانێ و ژ ته‌ڤایا پێكهاته‌یان ره‌ لێ پەیەدێ ب رێیا باسكێن خوه‌ یێن ب ناڤێ “جوانێن شۆره‌شگه‌ر “ به‌رێ خوه‌ ده‌ ئێریشا چه‌كدار ل سه‌ر ده‌رگه‌ه, مینا تشتێ پار روودای.

رێڤه‌به‌ریا ده‌رگه‌هێ پێشخابوور دیار كر: ئە‌م ژ گه‌لێ رۆژئاڤایێ كوردستانێ ره‌ دبێژن, كارێن پەیەدێ مه‌ نه‌چار دكه‌ كو دوباره‌ ل په‌یوه‌ندیا خوه‌ ب وێ و رێڤه‌به‌ریا كو ل ده‌رگه‌ه دمینه‌ ره‌ بنه‌رن, و ژ مافێ گه‌ل ئە ئێدی كریارێن پید قه‌بوول نه‌كن, و هه‌لوێستا مه‌ ل به‌ر چاڤ بگرن, و ئەم سۆزێ ددن كو ته‌ڤایا هه‌ولان بدن دا كو زیان نه‌گهه‌ گه‌ل, بلا پەیەدێ بزانه‌ كو ئەڤ سنج و ره‌فتارا وان یا هۆڤانه‌, مه‌ ژ خوه‌راگریێ د به‌ر هه‌ر تشتی ده‌ ژ بۆ به‌رژه‌وه‌ندیا مله‌تێ مه‌ ل ر. كوردستانێ دوور ناكه‌, و ئەو نه‌ ترس بوو و كه‌سه‌ك نه‌ قه‌رزارێ وانە یان ژی پابه‌ند ئە ب بجیكرنا ئاره‌زوویا وان.

رێڤه‌به‌ریا ده‌رگه‌هێ پێشخابوور نیشان ب وێ یه‌كێ دا: مه‌ گه‌له‌ك هه‌ول ل گه‌ل پەیەدێ دان دا كو ره‌فتارێن خوه‌ بگوهاره‌, لێ به‌رده‌وام ده‌ری دادخستن, و خوه‌ ب ته‌نێ مافدار دبینه‌, و مه‌ ئەڤ چه‌ند ژ بۆ گه‌لێ خوه‌ ته‌حه‌مول كر, لێ ره‌وش گه‌هشته‌ سینۆره‌كی كو نایێ قه‌بوول كرن پەیەێ دزانه‌ كو وێ چه‌ند جاران هه‌ولا ده‌رباسكرنا چه‌ك و ته‌قه‌مه‌نیان بۆ هه‌رێما كوردستانێ د رێیا ده‌رگه‌ه یان ژی سینۆر ره‌ كریه‌, ژ بۆ تێكدانا ئارامیێ و چاندنا ناكۆكی و فتنه‌یان.

رێڤه‌به‌ریا ده‌رگه‌هێ پێشخابوور ته‌كه‌ز كر: ژ 2 سالان ڤه‌ و هه‌ڤپه‌یمانیا ناڤده‌وله‌تی و ئە‌مه‌ریكا ژ بنپێكرنێن پید ئاگه‌هدار ن, و گه‌له‌ك هه‌ول دان ره‌فتارێن وان بوگهارن, و سینۆره‌كی ژ بنپێكرنان ره‌ ده‌ینن, لێ پید رژد ئە ل سه‌ر سیاسه‌تا خوه‌. پەیەدێ ب هه‌موو كریاران ل دژی ته‌ڤایا ئالیان رادبه‌, و ئەڤ ته‌ڤگه‌رێن ب ڤی ره‌نگی ژ ئالیێ كوردان ڤه‌ د دیرۆكا سووریێ ده‌ نه‌بوون , كو مله‌ته‌كی ب ته‌مامی بخه‌ د بن نه‌شته‌جیبوونا نه‌جاری ده‌, ته‌ڤی كو سیاسه‌تا پیدێ یا دكتاتۆر نه‌هاتیه‌ ژبیركرن ژ ره‌ڤاندن , كوشتن, زندانكرن, و ئەشكه‌نجه‌كرنا خه‌باتكارێن كورد و هه‌ر كه‌سه‌كی ل دژی سیاسه‌تا وێ.

رێڤه‌بریا ده‌رگه‌هێ پێشخابوور خویا كر ژی: ئە‌ڤ نێزیكی ساله‌كێ یه‌ پید رێ نه‌دایه‌ كادر, سه‌ركرده‌ و كه‌سێن نێزیكی ئە‌نكس و باا كو ده‌رباسی ه. كوردستانێ ببن و نشته‌جیبوونا نه‌چاری ل سه‌ر وان سه‌پاندیه‌ و ناهێله‌ د رێیا ده‌رگه‌ه ره‌ ده‌ركه‌ڤن, د هه‌مان ده‌مێ ده‌ دهێله‌ كو هه‌موو كه‌سێن بیانی ب ئاسایی ده‌رباس ببن.

رێڤه‌به‌ریا ده‌رگه‌هێ پێشخابوور سه‌ربار كر: ئە‌م ب ئەشكه‌ره‌ ژ گه‌لێ خوه‌ ره‌ ل رۆژئاڤایێ كوردستانێ ب ته‌ڤایا پێكهاته‌یان دبێژن, مه‌ گه‌له‌ك فشار و شاشیتیێن پەیەدێ یێن مه‌زن, و سیاسه‌تا ئاراسته‌كرنا تۆمه‌تان بۆ هەرێما كوردستنێ ته‌هه‌مول كرن, لێ پەیەدێ هێلا سۆر ده‌رباس كر و د دارشتنا پیلانان ده‌ به‌رده‌وام ئە.

رێڤه‌به‌ریا ده‌رگه‌هێ پێشخابوور وه‌ها گۆتیه‌: پێویستە ده‌ریێ پێشخابوور - سێمالكا ژ بۆ خزمه‌تا هه‌موویان به‌, نه‌ یا پارتیه‌كێ ب ته‌نێ, و دوور به‌ ژ ده‌ستوه‌ردانا سیاسی ب ئاوایه‌كی راسته‌قینه‌ به‌. پەیەدێ ئێریشا جوانێن شۆره‌شگه‌ر یا ل سه‌ر ده‌رگه‌هێ پێشخابوور-سێمالكا به‌لگه‌ كر و ب رێیا كه‌نالێن خوه‌ یێن زه‌ر یێن مه‌دیایی ژ نوو ڤه‌ وه‌شاند, و ب قاسی كو جوداهیا جڤاكپارێزی و كین و نه‌فره‌تێ ده‌ردخینه‌ ولۆ خزمه‌ته‌ دۆزا كوردی ناكه‌ .

رێڤه‌به‌ریا ده‌رگه‌هێ پێشخابوور ئانی زمان: ته‌ڤی هه‌بوونا سێ ره‌كه‌فتنان د ناڤبه‌را ئە‌نجوومه‌نا نشتیمانی یا كوردی و ته‌ڤگه‌را جڤاتا دیموقراتیك و یه‌كیتیا دیموقراتیك ده‌ ب سه‌رپرشتیا سه‌رۆك مه‌سعوود بارزانی, و د ناڤا وان ره‌كه‌فتنان ده‌ به‌نده‌ك تایبه‌ت ب رێڤه‌به‌ریا هه‌ڤبه‌ش یا ده‌رگه‌ هه‌بوو, لێ پەیەدێ هه‌ر جار پابه‌ندی ب رێكه‌فتنان نه‌دكر و به‌رده‌وامیێ د ده‌سته‌سه‌ركرنا سینۆر ژ ئالیێ سیاسی , ئابووری و ئەوله‌هی ڤه‌ دكه‌, هه‌روه‌ها د سیاسه‌تێن سته‌مكاری و ته‌كالی ده‌ ژ بۆ به‌رژه‌وه‌ندیا هزبی به‌رده‌وام ئە.

رێڤه‌به‌ریا ده‌رگه‌هێ پێشخابوور: بێ ده‌رگه‌هێ پێشخابوور-سێمالكا ب هه‌زاران كۆچبه‌ر یان ژی برایێن مه‌ یێن كورد و عە‌ره‌ب یێن سووری یێن كو ل هه‌رێمێ و ده‌رڤه‌یی وه‌لێت ب جه بوونه‌, نه‌دكارین سه‌ره‌دانا مالباتێن خوه‌ ل رۆژئاڤایێ كوردستانێ بكن, لێ سیاسه‌تێن ئاسته‌نگكرنێ یێن پەیەدێ تم ل پێشیا كارێ ده‌رگه‌ه پرسگرێك و ئاسته‌نگی ده‌رخستنه‌.

د داویا داخویانیێ ده‌ هاتیه‌: ئە‌م لێبۆرینێ ژ گه‌لێ خوه‌ دخوازن, ژ به‌ر كو ئەم نكارن ته‌ماشه‌ڤانێن ته‌ڤگه‌رێن پەیەدێ یێن زۆردار, دكتاتۆر, نه‌ كورد و نه‌ مرۆڤانه‌ بمینن و ئەمێ نه‌بن هه‌ڤپارێن وان. هه‌رێما كوردستانێ تم ته‌كه‌زی ل سه‌ر گرنگیا مانا ده‌رگه‌ه ژ بۆ خزمه‌تگوزاریێن مرۆڤی و پێدڤیێن خه‌لكێ كریه‌ و تم ب ئەركێ خوه‌ به‌رامبه‌ری مله‌تێ مه‌ ژ هه‌موو واران ڤه‌ رابوویه‌. ته‌ڤی هه‌ژمارا كێشه‌یێن سیاسی و ته‌كنیكی یێن مه‌زن كو كه‌تنه‌ د رێیا ڤه‌كرنا ده‌رگه‌هێ پێشخابوور – سێمالكا ده‌, لێ جه‌نابێ سه‌رۆك مه‌سعوود بارزانی رژد بوو ل سه‌ر هلگرتنا به‌رپرسایه‌تیێ ژ بۆ خزمه‌تا كه‌سووكار و مله‌تێ مه‌ ل رۆژئاڤایێ كوردستانێ دیار ئە كو پەیەدێ رژد ئە ل سه‌ر نه‌رازیبوونێ كو ئێدی مله‌ت ل رۆژئاڤایێ كوردستانێ كاره‌ساتێن وان یێن گهشتی هه‌ر كه‌سی ناس دكه‌, و به‌هانه‌یێن وان ژ بۆ گرتنا ده‌مارا ژیانێ یا مله‌ت نه‌ تشته‌كی نوو یه‌ ل سه‌ر وان.

162