ئەنەكەسێ: پەیەدێ رێ نەدا ڤەخوەندیێن مەراسیمێن مووزەخانەیا بارزانی دەرباس هەرێما كوردستانێ ببن

ئەنەكەسێ: پەیەدێ رێ نەدا ڤەخوەندیێن مەراسیمێن مووزەخانەیا بارزانی دەرباس هەرێما كوردستانێ ببن

May 12 2023

آرك نيوز... ئە‌نجوومه‌نا نشتیمانی یا كوردی ل سووریێ به‌رپرسیاره‌تیا گرتنا ده‌ریێ پێشخابوورێ خست ستوویێ رێڤه‌به‌ریا پەیەدێ ده‌ و گۆت د به‌ر گرتنا ده‌رگه‌هێ ده‌ به‌رپرس ئە

ئه‌نجوومه‌نا نشتیمانی یا كوردی ل سووریێ د داخویانیا خوه‌ ده‌ كو ئیرۆ 12یێ گولانا 2023یان ده‌ هاتیه‌ به‌لاڤكرن گۆتیه‌: رێڤه‌به‌ریا پەیەدێ د رێیا ده‌ریێ سێمالكا رێ نه‌دا كه‌سێن ڤه‌خوە‌ندی ژ سه‌ركرده‌یێن ئە‌نەكەسێ بۆ مه‌راسیمێن ڤه‌كرنا مووزه‌خانه‌یا بارزانی یا نشتیمانی ده‌, ده‌رباسی هه‌رێما كوردستانێ ببن, كو ئەو مه‌راسیم دوه 11 مه‌هێ ب رێ ڤه‌ چوون.

ئه‌نەكەسێ دایه‌ زانین كو ته‌ڤی ئالیێ ئە‌مه‌ریكی ده‌ستێوه‌ردان كر دا كو كه‌سێن ڤەخو‌ه‌ندی ژ سه‌ركرده‌یێن ئە‌نەكەسێ ب هێسانی ده‌رباس ببن, لێ پەیەدێ بوو رێگر و رێ نه‌دا, كو ئەو كریار به‌رووڤاژی بانگێن دوورخستنا ده‌ریێ ژ ئەجنده‌یێن پەكەكێ تێن.

ئه‌نجوومه‌نا نشتیمانی یا كوردی ل سووریێ ئامه‌ژه‌ كر كو گرتنا ده‌ریێ دێ باندۆره‌كه‌ نه‌رینی ل سه‌ر شێنیێن رۆژئاڤایێ كوردستانێ بكه‌, نه‌خاسم ئەو ده‌ری ب ده‌ستپێشخه‌ریا سه‌رۆك مه‌سوود بارزانی هاتبوو ڤه‌كرن و گه‌له‌كی ئالیكاری ده‌رباس دكرن.

ئه‌نەكەسێ ئانی زمان ژی كو ئەڤ كریار د ده‌مه‌كێ ده‌ تێ ژیانا وه‌لاتیان زه‌همه‌ت بوویه‌ و د هه‌ر واره‌كی ده‌ تێك چوویه‌, د وارێ سیاسی ژی هه‌ر دیالۆگه‌ك و دانووستاندنێن كوردی كوردی تێك برن ودخوازن ژیانا سیاسی ب یه‌كجاری ژ ناڤ ببن.

ئه‌نجوومه‌نا نشتیمانی یا كوردی ل سووریێ بانگ ل ئالیێ ئە‌مه‌ریكی كر كو فشارێ ل سه‌ر پەیەدێ بكن دا كو ده‌ست ژ بنپێكرنێن خوه‌ به‌رده‌ و ده‌ریێ ل هه‌مبه‌ر هه‌ر ئالیه‌كی ڤه‌كه‌ و ژ ئەجنده‌یێن سیاسی ب دوور بخه‌.

120