راپۆرتا سیاسی یا پارتیا دەمۆقراتا كوردستان سوریا یا مەها ئادارێ

آرك نيوز... پارتییا دەموقراتا كوردستان سووریا راپۆرتا خوە یا سیاسی یا مەها ئادارێ بەلاڤ كر تێدە ل سەر هەژمارەك مژاران ل سەر ئاستێ كوردی وسووری وداوین پێشهاتەیێن دەڤەرێ راوەستییا.

پارتییا دەموقراتا كوردستان سووریا د راپۆرتا خوە دە ل سەر كریزا سووریێ وپێشهاتەیێن پشتی ئەنجامدانا ئەردهەژێ لدەڤەرێ وهەولێن هەژمارەك وەلات بۆ خوەشكرنا پەیوەندییان ب رێژیما سووری رە، وتەكەزییا نەتەوەیێن یەكبوویی وئەمەریكا وئۆرۆپا ژ چارەسەرییا سیاسی ژ كریزا سووری رە لگۆری بریارا ناڤدەولەتی 2254 ولێڤەگەرا جنێف یەك راوەستییا.

هەروەها راپۆرتا پارتی بەحسا جڤینێن چار ئالی د ناڤبەرا رووسیا تركیا ایران ورێژیما سووری كر، ودیار كر كو ئەڤ وەلات هەول ددن كو چارەسەرییەكە شوونگر ژ چارەسەرییا سیاسی یا كو نەتەوەیێن یەكبوویی وئەمەریكا وئۆرۆپا تەكەزیێ ل سەر دكن ببینن.

راپۆرت بەخسا هلبژارتنێن سەرۆكاتیێ ویێن پەرلەمانی ل توركیێ وباندۆرا هلبژارتنان ل سەر ئاستێ خوجهی وهەرێمێ ل توركیێ دكە، ودیار دمە مو ژ بەر شەرت ومەرجێن رێژیما سووری وەكە ڤەكشاندنا توركیێ ژ سووریێ وراوەستاندنا پشتەڤانییا ئۆپۆزسیۆنا سووری هەولێن خوەشكرنا پەیوەندییان د ناڤبەرا توركیا ورێژیما سووری ب سەر ناكەڤن.

هەروەها ل سەر دەستوەردانا ئێرانێ د سووریێ دە وهەوەلێن ئێرانێ بۆ بهێزكرنا هەبوونا خوە ل سەر عەردێ و راوەستیییا، ودیار كر ژ بەر خووپێشاندانێن كو ل زێدەتری سی باژار وباژارۆكێن ئیرانێ بەردەواەمن وئارمانجكرنا ئیسرائیل ژ بارەگەهێن ملیسێن ئیرانی ل سووریێ ئیران راستی فشاران تێ وپێشەرۆژا خوە نە دیارە.

پارتییا دەموقراتا كوردستان سووریا د راپۆرتا خوە دە ل سەر رەوشا هەرێما كوردسانێ وعیراقێ راوەستییا ودیار كر كو سەرۆكاتییا هەرێما كوردستانێ ب سیاسەتا خوە یا هەڤگرتی وهەڤسەنگ كار دكە وئەڤ چەند چی دكەڤە خزمەتا هەرێما كوردستانێ وعیراقێ وسەربار كر كو ئەڤ سیاسەت ژ ئاقلمەندییا سەرۆك مسعوود بارزانی وڤیانا گەلێ كوردستانێ ژ بۆ پێشكەتن وپێشخستنەكە زێدە هاتییە وەرگرتن.

راپۆرتا پارتی بەحسا رەوشا رۆژاڤایێ كوردستانێ دكە ودبێژە، كو ژبەر رەوشا ئابۆری وخزمەتگۆزاری ومرۆڤی یا خەراب وەكە زێدەبوونا ریژەیا بێكاریێ وبلندبوونا نرخان وكریزا سووتەمەنیێ وبلندبوونا نرخێ وێ هەروەها كریزا ئەلكتریكێ وئاڤێ. رەوشا خەلكێ هەر كو دچە زەحمەتر دبە، لەورا ئەم بیرا وێ یەكێ دكن كو ئالینە هەنە ب مەبەست ئێش وئازارێن خەلكێ زێدە دكن.

راپۆرت ل سەر رەوشا عەفرین وجندرێسێ وزیانێن جانی ومادی یێن مەزن پشتی روودانا ئەردهەژێ راوەستییا، هەوەها راپۆرت بەحسا تاوانا كو گرووپێ بناڤێ جیش الشرقیە ل دژی وەلاتیێن كورد ل جندرێسێ ئەنجام دایی وچار كەس ژ مالباتا پێشمەرگ شەهیدبووی وشۆپاندنا مژارێ ژ بۆ سزاكرنا ئەنجامدەران وگرنگییا بەرسڤدانێ ژ داخوازێن كەس وكارێن قوربانییان ره ژ بۆ ژیانەكە ئارام بێ بنپێكرن لدژی ڤیانا خەلكێ ل وان دەڤەران.

د داوییا راپۆرتا خوە یا سیاسی دە پارتییا دەموقراتا كوردستان سووریا دبێژە، ئامەدەكاریێن پێویست ژ بۆ لدارخستنا كۆنگرا گشتی یا پارتی د دەما خوە دە بەردەوامن.

348