سالڤه‌گه‌را هەشتان یا شه‌هیدبوونا پێشمه‌رگه محمد رشید أحمد
آرك نيوز .. دوه 9/4/2019 8 سال ل شه‌هیدبوونا پێشمه‌رگه‌ێ له‌شكه‌رێ رۆژ محمد رشید أحمد ره ده‌رباس بوون.
شه‌هێدێ پێشمه‌رگه محمد رشید أحمد خه‌لگێ گوندێ گێرێ یێ سه‌ر ب باژارۆكێ كركێ لگێ یێ دیركا رۆژئاڤایێ كوردستانێ یه ژ مالباته‌كه هژار د وارێ چاندنێ و زه‌ڤییان وخوه‌دیكرنا په‌ز كار ده كر داكو ده‌بارا ژیانا خوه یا رۆژانه دابین بكن هاتیه دونیایێ .
پاكره‌وان خوه‌ندنا خوه یا سه‌ره‌تایی ل گوندێ خوه دسالا 1983 تا 1988 خوه‌ندییه و ب مه‌بستا كار ب باڤێ خوه ره به‌رێ خوه دا شاما پایته‌ختا سووریێ .
د سالا 1994ان ده ته‌ڤلی له‌شكه‌ریا رێژیمێ یا نه‌چار بوو و ژبۆ دووسالان له‌شكه‌ری بداوی ئانی .
پشتی كو له‌شكه‌ریا نه‌چار بداوی هات د نانخانه‌یان ده كاركر و سالا 2003ان ژیانا هه‌ڤژینیێ پێك ئانی داكو ده‌بارا مالباتا خوه هلگره وه‌ك نوبه‌دار ب مالباتا خوه ره د باخچه‌یه‌‌كێ ده كاركر .
د ده‌سپێكا شه‌رێ سووریێ وژبه‌ر ره‌وشا ته‌ڤلیهه‌ڤیێ یا كو سوویێ تیره ده‌رباس بوویه نه‌چار بوو شامێ بهێله و20/11/2012 به‌رێ خوه دا هه‌رێما كوردستانێ ول باژارۆكێ سێمێل یێ سه‌ر ب پارێزگه‌ها دهوكێ ڤه نشته‌جیبوو .
د خولا پێنجان یا پێشمه‌رگه‌ێن له‌شكه‌رێ رۆژ ده د فێرگه‌ها خنسێ د فه‌وجا سییان ته‌ڤلی وێ خولێ بوو ووه‌ك ئاژۆكارێ تۆتۆمبێلا دوشكا جهێ خوه گرت پشتره ژبۆ ئاژۆكارییا رێڤه‌به‌ریا فه‌وجێ هات ده‌ستنیشانكرن .
د ده‌ما شه‌رێ ته‌رۆرێ هاتیه سه‌ر هه‌رێما كوردستانێ ب دل و جان به‌ره‌ڤانی دبه‌ر خاكا وه‌لێت ده كر و د رزگاركرنا گوندێ هلوم و چیاێ هلوم وبرجێ اسكی موصل به‌شدار كر .
پاكروان محمد رشید أحمد د ره‌وشتا خوه یا نه‌رم ناڤدار بوو و هه‌رده‌م خزمه‌تا رێهه‌ڤال و دوستێن خوه دكر و ب ئه‌ركێ خوه ل هه‌مبه‌ر وان رادبوو .
د 9/4/2015ان شه‌هێدێ پێشمه‌رگه‌ێ رۆژ ده‌ما ب ئه‌ركێ خوه ب دابه‌شكرنا خوران وپێدڤێن پێشمه‌رگه‌یان د ئه‌نیێن گرم ویێن شه‌ر ده به‌لاڤ دكر ب گۆله‌یه‌كێ نیشانڤانه‌كی داعشا ته‌رۆر هات ئارمانجكرن د ئه‌نجامێ ده شه‌هید بوو .
ب به‌شدارییه‌كه مه‌زن ژ شێنیێن هه‌رێمێن رۆژئاڤایێ كوردستانێ ل گوندێ خوه ل گێرێ ب خاكێ هاته سپارتن و ل پاش خوه چار زارۆك هشتن و هه‌ر سال بیرئانینا وی وه‌كه پاكروانه‌كی د به‌ر خاكا وه‌لاتێ خوه یێ پیرۆز ده شه‌هیدبوویه تێ ڤه‌ژاندن .
ش.ع
131
