خالد عە‌لی: قسدێ نوونه‌راتیا كوردان ناكه و پاراستنا هه‌رێما كوردستانێ ل سه‌ر هه‌ر ئالیه‌كی ئەركە
آرك نيوز… به‌رپرسێ راگهاندنا پارتیا ده‌مۆقراتا كوردستان - سووریا ل هه‌رێما كوردستانێ, ئیرۆ 8ێ نیسانا 2023یان راگهاند كو هێزێن سووریا ده‌مۆقراتیك قسدێ, نووه‌راتیا كوردێن رۆژئاڤایێ كوردستانێ ناكن.
خالد عە‌لی, به‌رپرسێ راگهاندنا پارتیا ده‌مۆقراتا كوردستان - سووریا ل هه‌رێما كوردستانێ ژ كه‌نالا كوردستان 24 ره دا زانین كو قسد به‌شه‌كه له‌شكه‌ری ژ ئالیه‌كه سیاسی ل رۆژئاڤایێ كوردستانێ ره یه, و نوونه‌راتیا هه‌موو پێكهاته‌یێن سیاسی ل رۆژئاڤایێ كوردستانێ ناكه.
عه‌لی ئانی زمان كو ژ ده‌ستپێكا شۆره‌شا سووریێ, ل گۆری رێكه‌فتنه‌كێ ناڤبه‌را مام جه‌لال, قه‌ندیل و سێخوریا رێژیما سووریا ده كو ل سلێمانیێ هات ئیمزه‌كرن, هێزێن ب ناڤه یەپەگێ هاته دامه‌زراندن پشتره بوو قسدێ, مه‌به‌ست ژێ تێكدانا شۆره‌شا سووریێ و پاراستنا رێژیما ئە‌سه‌د ژ هلوه‌شاندنێ بوو.
خالد ئە‌لی ته‌كه‌ز كر كو به‌لگه ل سه‌ر ڤێ ئاخافتنێ هه‌نه كا ژ بۆ چ هاتن دامه‌زراندن و چ ئەجنده ب جی كرن, دا كو به‌رژه‌وه‌ندیێن رێژیما ئە‌سه‌د بپارێزن, ده‌ست ب ته‌رۆركرنا سیاسه‌تمه‌دار, چالاكڤان و شۆره‌شگه‌ران كر, ب ئەركێ كو ب وان هاتیه سپارتن ب سه‌ر كه‌تن و به‌شداریا كوردان ژ شۆره‌شا سووریێ نه‌هشتن.
ده‌ربارێ شه‌رێ داعشێ, خالد عە‌لی, به‌رپرسێ راگهاندنا پارتیا ده‌مۆقراتا كوردستان - سووریا ل هه‌رێما كوردستانێ گۆت كو قسدێ ژ ئە‌مه‌ریكا ره ل هه‌مبه‌ر په‌ره‌یان شه‌ر كر و دخازه ببه به‌شه‌ك ژ ئارتێشا رێژیما ئە‌سه‌د, لێ رێژیم ره‌د دكه, ب ته‌نێ دانپێدانێ ب رێكه‌فتنا ل سلێمانیێ هاتیه ئیمزه‌كرن دكه.
گۆت ژی كو پیدێ ژی تو خه‌مه‌كێ بۆ دۆزا كوردی ناكه, لێ به‌رووڤاژی كار بۆ دژایه‌تیا دۆزێ دكه, ئەو ژی خوه نابینه كورد, یه‌ك ژ ئارمانجێن سه‌ره‌كی ژ دیالۆگا ناڤبه‌را پیدێ و ئە‌نجوومان نشتیمانی یا كوردی ل سووریێ ئەو بوو كو نوونه‌راتیه‌كه راسته‌قینه بۆ كوردان ل رۆژاڤایێ كوردستانێ هه‌به, لێ نه‌هشتن ب سه‌ر بكه‌ڤه.
ل سه‌ر ده‌ستێوه‌ردانا پككێ و قسدێ بۆ كارووبارێن هه‌رێما كوردستانێ, ئاماژه كر كو شه‌رێ قه‌وه‌ره‌یا هه‌رێمێ دكن, كو ئەو هه‌رێما ل كوردان پارێزڤان ئە, ژ هه‌ر به‌شه‌كی كوردستانێ خه‌مخوار ئە, رزگاركرنا كۆبانێ ژ ئالیێ پێشمه‌رگه‌یان ڤه, ژ شه‌رێ داشێ نموونه‌یا به‌رچاڤ ئە, به‌رووڤاژی ل شه‌نگالێ ژ بلی تێكدانێ ناكن و ده‌سكه‌فتێن كوردوستانێ ژ ناڤ دبن.
خالد ئە‌لی, به‌رپرسێ راگهاندنا پارتیا ده‌مۆقراتا كوردستان - سووریا ل هه‌رێما كوردستانێ د داویا گۆتنا خوه ده گۆت كو ژ بۆ پاراستنا ئارامی و سه‌قامگیریا هه‌رێما كوردستناێ, ئەرك ئە ل سه‌ر هه‌موو ئالیه‌كی كوردستانی یه, تو ئالیه‌ك ده‌ستێوه‌ردانێ نه‌كه.
ش.ع
172
