ئەنەكەسی بنپێكرنێن كۆمێن چەكدار د دەرماڤێ كوردێن ئێزیدی دە شەرمەزار كرن
آرك نيوز... د داخويانیەكێ دە ئەنجوومەنا نشتیمانی یا كوردی ل سووریێ گۆت، كو ئێزیدی ژ ملەتێ كوردن، وئەركە بۆ وان كو رێز ل ئۆلا وان وەرە گرتن، وەكە هەموو ئۆلێن دن، وداخواز ژ ریخستنێن ناڤدەولەتی وئالیێن پەیوەندیدار كر، كو سنج ورەفتارا دوور ژ هەموو پرەنسیپێن مافێن مرۆڤان راوەستینن، وسینۆرەكی ژێرە دەینن.
د داخویانیا ئەنجوومەنا نشتیمانی یا كوردی دە هاتیە، كو هەڤدەمێ بنپێكرنێێن گرووپێن چەكدار ل عەفرینێ، ئیدی باوەری وئۆلێن خەلكێ ژی راستی بنپێكرنان تێن. د چارچۆڤەیا تونەبوونا رێگریا یاسایی وئەخلاقی دە. و ژ یە كێ نیسانێ ڤە بەلاڤبوویە، كو دو كەسین كورد یێن ئیزیدی ل عەفرینێ ئۆلا خوە دگوهەرن، وهەر كەس دزانە كو ئەڤ یەك نەچارییە د ئۆلێ دە، نەك بەرووڤاژی وێ.
ئەنجوومەنا نشتیمانی یا كوردی هەموو شێوەیێن بنپێكرنان شەرمەزار دكە، هەروەها دەستوەردانێ د باوەری وئۆل وئازادیا خەلكێ دە ژی شەرمەزار دكە. وسەربار كریە، كو ئێزیدی ژ ملەتێ كوردن، وئەركە بۆ وان كو رێز ل ئۆلا وان وەرە گرتن وەكو هەموو ئۆلین دن، وهەر بنپێكرنەكە ل دژی وان، بنپێكرنە ژ ئۆلا ئسلامێ رە یا كو رێزێ ل ئۆلێن دن دگرە.
د داویێ دە ژی ئەنجوومەنا نشتیمانی یا كوردی، بانگ ل رێخستنێن ناڤدەولەتی ومرۆڤی وئالیێن پەیوەندیدار كریە، كو سینۆرەك ژ وێ سنج ورەفتارا دوور ژ هەموو پرەنسیپێن مافێن مرۆڤان رە، وەرە دانین.
302
