سەرۆك بارزانی: ژ دهست دانا مستەفا ئامێدی پێشمهرگێ ههردوو شۆڕهشێن ئەیلوول و گوڵانێ خوسارهتهكا مهزنه
آرك نيوز... سهرۆك مسعود بارزانی بۆ كۆچاداویا پێشمەرگە و خەباتکار مستەفا ئامێدی پەیامەك بەلاڤ كر تێدە گۆت كو مستەفا ئامێدی شۆڕشگێر و قەهرەمان و هەڵگرێ مەدالیا بارزانی و وەفادارێ ڕێبازا کوردایەتی و نیشتیمانپەروەریێ بوو. ناڤەركا پەیامێ ئەڤە:
ب ناڤێ خودایێ مهزن و دلۆڤان
ب خهم و كۆڤانهكا مهزنڤه خهبهرێ وهغهرا دۆماهیێ یا تێکۆشەر و خەباتگێڕێ گەلێ مه و پێشمهرگێ ههردوو شۆڕهشێن ئەیلوول و گوڵانێ (مستەفا حوسێن محەمەد ئامێدی) ناسیار ب مدیر گههشته من.
مستەفا ئامێدی شۆڕشگێر و قەهرەمان و هەڵگرێ مەدالیا بارزانی و وەفادارێ ڕێبازا کوردایەتی و نیشتیمانپەروەریێ بوو و، ژیانا خۆ پێخەمەت دۆزا مللەتێ خۆ تەرخان کر و نموونێ مێرخاسی و ماندینهناسیێ بوو و ژ دهست دانا وی خوسارهتهكا مهزنه.
سەرەخۆشیێ ل بنەماڵە و خزم و کەسوکارێت خودێ ژێ رازی و هەمی خەباتگێڕ و پێشمەرگێت کوردستانێ دکەم و خۆ ب ههڤپشكێ خەما وان دزانم.
داخازا من ژ خودایێ مهزن ئهوه ڕۆحا خودێ ژێ رازی مستەفا ئامێدی ب بهههشتا بهرین شاد بكهت و سهبر و ههدارێ بدهته ههمی لایهكێ.
انا للە و انا الیە راجعون
مسعود بارزانی
۳ی نیسانا ۲٠۲۳
658
