عەلی تەتەر: شەرێ پەکەکێ رێژەیا بێکاریێ ل دھۆکێ زێدە کریە
آرك نيوز... پارێزگارێ دھۆکێ راگهاند كو، شەرێ پەکەکێ ل وێ پارێزگەھێ، بێکاری زێدە کریە و ئەشکەرە کر ژی، ژ بەر شەرێ پەکەکێ زێدەتری 330 گوند ڤالا بوونە.
پارێزگارێ دھۆکێ عەلی تەتەر د بەرسڤا پرسا پەیامنێرێ ک24 دا وراگھاند، یەکەم سەدەما بلندبوونا رێژەیا بێکاریێ ل پارێزگەھا دھۆکێ، ژ بەر زیانێن شەرێ پەکەکێ ل سەر پارێزگەھا مە یە.
عەلی تەتەر گۆت ژی: “پرانیا گوندیان ژ بەر پەکەکێ، نکارن ڤەگەرن سەر جھ و وارێن خوە، ژ بەر وێ ژی، ئەو بێکار مانە.”
ھەر د ڤێ مژارێ دە، سەرۆکوەزیرێ ھەرێما کوردستانێ مەسروور بارزانی رۆژا ٨ێ ئادارێ گۆتبوو: زێدەتری 800 گوندێن ھەرێما کوردستانێ ژ بەر شەر و پەڤچوونێن پەکەکێ وێران بوونە و حکوومەتا ھەرێما کوردستانێ نکاریە وان ئاڤەدان بکە.
سەرۆکوەزیر مەسروور بارزانی گۆت ژی: “بێگومان ھەلوەستا مە ئەوە کو دڤێت ئەڤ شەر ب داوی ببە، دا کو ئەم کاربن خەلکێ ڤەگەرینن وان ناڤچەیان.”
308
