سەرۆك بارزانی: پێشمهرگێ ههردوو شۆڕهشان محەمەد خالد بۆسەلی قارەمانەکێ گەلێ کوردستانێ ونموونێ قوربانیدانێ بوو
آرك نيوز... سهرۆك مسعود بارزانی بۆ كۆچاداوییا تێكۆشهرێ كوردی پێشمەرگە محەمەد خالد بۆسەلی پەیامەك بەلاڤ كر تێدە گۆت محەمەد خالد بۆسەلی قارەمانەکێ گەلێ کوردستانێ و نموونێ قوربانیدان بوو ووشه نكارن وهسفا فیداکاریا وی مرۆڤێ خۆڕاگر بکەن. پەیامە سەرۆك ئەڤە:
ب ناڤێ خودایێ مهزن و دلۆڤان
ب خهم و كۆڤانهكا مهزنڤه خهبهرێ وهغهرا دۆماهیێ یا تێکۆشەر و خەباتگێڕێ گەلێ مه و پێشمهرگێ ههردوو شۆڕهشێن ئەیلوول و گوڵانێ (محەمەد خالد بۆسەلی) گههشته من.
محەمەد خالد بۆسەلی قارەمانەکێ گەلێ کوردستانێ و نموونێ قوربانیدان و ماندینهناسیێ بوو و وشه نهشێن وهسفا فیداکاریا ئەوی مرۆڤێ خۆڕاگر بکەن. محەمەد خالد بۆسەلی بابێ شەهیدهکێ قارەمان ژی بوو و ههمی ژیانا خۆ د ناڤ تهنگاڤیا و ژ پێخهمهت دۆزا میللهتێ خۆ تهرخان كر و ژ دهست دانا وی خوسارهتهكا مهزنه.
پرسە و سەرەخۆشیێت خۆ ئاراستەی بنەماڵە و خزم و کەسوکارێت خودێ ژێ رازی و هەمی تێکۆشەرێن کوردستانێ و پێشمەرگێت قارەمان دکەم و خۆ ب ههڤپشكێ خەما وان دزانم.
داخازا من ژ خودایێ مهزن ئهوه ڕۆحا خودێ ژێ رازی محەمەد خالد بۆسەلی ب بهههشتا بهرین شاد بكهت و سهبر و ههدارێ بدهته ههمی لایهكێ.
انا للە و انا الیە راجعون
مسعود بارزانی
24ی ئادارا 2023
308
