سالڤەگەرا 10ان یا شەهیدبوونا شەرڤان سیدۆ ب دەستێ پەیەدێ

آرك نيوز... د رۆژه‌كه‌ وه‌كه‌ ئیرۆ ده‌, به‌ریا 10 سالان, چه‌كدارێن پەیەدێ ئێریشی گوندێ چێقلمه‌ یێ ناڤچه‌یا راجۆ یا عە‌فرینا رۆژاڤایێ كوردستانێ كر, د ئەنجاما وێ ئێریشێ ده‌ جوانه‌كی كورد كر ئارمانجا چه‌كێن خوه‌ و شه‌هید بوو.

د 17ێ ئادارا 2013ان , چه‌كدارێن پەیەدێ ئێریشی گوندێ چێقلمه‌ كر, و د ئەنجاما وێ ئێریشێ ده‌ جوانێ ب ناڤێ شه‌رڤان سیدۆ شه‌هید بوو.

پشتی كو پەیەدێ ئێریشا خوه‌ ب داوی ئانی, هلمه‌ته‌ك گرتن و ره‌ڤاندنێ ده‌ست پێ كر و هژماره‌ك ژ ئەندام و ئالیگرێن پەدەكەسێ ره‌ڤاندن.

ته‌ڤی وێ یه‌كێ شه‌هید شه‌رڤان سیدۆ ب به‌شداریه‌كه‌ مه‌زن ژ ئالیی خه‌لكێ عە‌فرینێ ڤە د رۆژا دن ئانگۆ د هیژدێ ئادارێ ده‌ ل گوندێ خوه‌ چێقلمه‌, ب بلندكرنا ئالا كوردستانێ ب خاك هات سپارتن.

ئێریشا پەیەدێ ژ گوندێ چێقلمه‌ ره‌ پشتی چه‌ند رۆژان ژ پیكانینا پەیەدێ ژ كۆمكوژیه‌كێ ل گوندێ بورج عە‌بدالۆ هات, كو ئەو كۆمكوژی د 8 ئادارێ ده‌ هاتبوو پیكانین تێ دا چار وه‌لاتیێن سڤیل ژ خه‌لكێ گوند شه‌هید بوون.

د چارچۆڤه‌یا ده‌ستهه‌لاتداریا پەیەدێ ژ عە‌فرینێ ره‌, ب هژماره‌ك كۆمكوژی و بنپێكرن ده‌رهه‌قێ كوردان ده‌ ئەنجام دان, وه‌ك كۆمكوژیا مالباتا شێخ حنان و بورجێ و مالباتا شێخۆ ل شیێ و شه‌هیدكرنا وه‌لاتیان د بن ئیشكه‌نجه‌یێ ده‌ و ئێریشكرنا مالان و سه‌پاندنا باجان و ئاسته‌نگكرنا ژیانا خه‌لكێ.

151