عهفرين .. شهش سالن وئيدريس شێخ ئهحمهد د زيندانا رێژيمێ ده يه
ب ههزاران ژ وهلاتيێن سوريێ ژ كورد وعهربان بوونه قوربانييا شهروناكوكييان وئيدريس شێخ ئهحهمد يهك ژوانه و ئهڤه شهش سالن تو ئاگاهي وزانياري ل سهر وي تونهنه. ئيدريس شێخ ئهحمهد خهلكێ گوندێ شێخ ئهحمهد يێ عهفرينێ يه د جارێ مهها حهفتان سالا 2012 ل سهر بوويهرێن مالباتا شێخ حنان ئهڤرازێ ب 27 كهس ل زيندانهكه پهيهدێ ل گوندێ هۆبكا يێ راجۆ هاتن بنچاڤكرن وپشتي 28 رۆژان ژ گرتنێ ئيدريس سهربست هاته بهردان.
پشتي سهربست بهردانێ ئيدريس وهك خوديێ مال وزاروكان بهردهوامي د كارێ خوه كر داكو دهبارا ژيانا خوه دابين بكه وب كارێ بازرگانيێ ناڤبهرا پارێزگههان رادبوو و دهما دچوو پارێزگهها شامێ ل نێزيك باژارێ حمسێ ئهو و ههڤالهكي وي ژ ئاليێ رێژيما ئهسهد ڤه هاتن گرتن .
پشتي دهمهكه كورت ههڤالێ ئيدريس ژ زيندانێ سهربست هاته بهردان ول گور ئاگاهيێن ههڤالێ وي ژ مالباتا ئيدريس ره كوت ئهو وئيدريس ل زيندانهكه رێژيمێ ده بوون لێ نزانيبوو ل كو دارێ نه ول كيژان زيندانێ نه.
شێخ ئهمين باڤێ ئيدريس داخوز ژ ههرێما كوردستانێ وجهنابێ سهرۆك مهسعود بارزاني و ئاليێن برپرس دكه كو چارنڤيسا گورێ وان وهره خوياكرن.
چيرۆكا ئدريس شێخ ئهحمهد يهك ژ چيرۆكێن ب ههزاران وهلاتيێن سوريێ يێن كو تا نها وندايێ وبێ چارهنڤيسن كو بوونه قوربانييا بازرگانێن شهر و مالباتێن وان ب هێڤي وئوميدن كو جارهك دن ڤهگهرن وبهردهواميێ د ژيانا خوه ده د ناڤ كهسوكارێن خوه بكن .
شێخۆ عهفريني
942
