بهرههمێن دهمسالا گهنم ل عهفرينێ تێنه دزين
ههر دهمسالهك ل سهر وهلاتيێن عهفرينێ ره دهرباس دبه بهرههمێن وان دهمسالان راستي دزيێ ژ ئاليێ گرووپێن چهكدار ڤه تێن د دهمسالا بهرههمێن كرز وفێكي وپهلێن مێوان ده هن گرووپ بهرههمێن وهلاتييان ژ خوه ره چنين و ل بازارن فرۆتن.
نها ژي دهمێ چنين وراكرنا بهرههمێن گهنمه كو گرووپێن چهكدارێن رێ نادن خهلك عهفرينێ ب سهربستي بهرههمێن خوه راكن وژ خوه ره بڤرۆشن ژێدهرهك تايبهت ژ ئاركێ ره راگهاند كو بهرههمێ وهلاتيێ ئهحمهد بهكر ژ گوندێ تل تهويلێ كو زهڤيێ وي ل گوندێ ستێره ب تهمامي هاته دزين.
ژێدهرا تايبهت دا زانين وگوت دهما ئهحمهد بهكر نۆبهداري ل بهر بهرههمێن خوه لگوندێ ستێر دكر پێنج كهس هاتن وئهو بنچاڤ كرن وپشتره بهرههمێ وي كو 120 تهليزگهنم ل سهر سێ ههكتارانه ب تهمامي دزين .ول گور يهك ژ كهسوكارێن ئهحمهد بهكر كو ئهبوو عهبدۆ تل رفعهتي ژ گروپا سولتان موردا ب كارێ دزيا بهرهمێن وان رابوويه بێ كو داپێدانێ ب وێ يهكێ بكه.
ل ئالييكێ دن وهلاتييك گوندێ جوقێ نه خوهست ناڤێ وي ئهشكهر ببه ژ ئاركێ ئاماژه ب وێ يهكێ كر وگوت پشتي چنينا زهڤيێ خوه بهرههمێ وي ب بهايێ دوومليونێن سوري دهركهت لێ چهكداران ل سهر وي سپاند كو ب تهنێ 600 ههزار لێريهێن سوريێ بدن وان ژ بهر كو كيلو ژ وان 70 لێريێ حسابكرن وتهڤێ نهرخێ گهنم ب بهايا 140 لێرهێن سوريه .
ههرێما عهفرينێ ب زهڤي وچاندنێ ناڤداره وخهلكێ وێ دهربارا ژيانا خوه ژ بهرههمێن چاندنيێ دابين دكن .
شێخۆ عهفريني
684
