چوونا پێشمه‌رگه بۆ كۆبانێ رۆژه‌كه دێرۆكی یه
به‌ریا چار سالان د رۆژه‌كه وه‌كه ئیرۆ ده 28/10/2014 وب فه‌رمانه‌كێ ژ سه‌رۆك مسعود بارزانی سه‌رۆكێ هه‌رێما كوردستانێ هێزێن پێشمه‌رگه ژ بۆ باژارێ كۆبانێ یێ رۆژئاڤایێ كوردستانێ داكۆ به‌رڤانیێ د به‌ر باژێر ده وشه‌ر‌ێ ته‌رۆرێ بكن هاتن شاندن.
پشتی په‌ژراندنا پرانییا ئه‌ندامێن په‌رلمانا كوردستانێ ژبۆ شاندنا هێزه‌ك ژ پێشمه‌رگه ژ بۆ كۆبانێ سه‌رۆك مسعود بارزانی كاریبوو هێزێن پێشمه‌رگه د ریا توركیێ نه‌خاسم باكور كوردستانێ ره بشینه كۆبانێ وبه‌ریا چار سالان 28/10 هێژێن پێشمه‌رگه یێن ده‌ستنیشانكری ژ هه‌رێما كوردستانێ برێكه‌تن پشتی سێ رۆژان د 31/10/2014 ده گهشتنه كۆبانێ ، وبه‌شداری د شه‌رێ دوورخستن وده‌رخستنا رێخستنا داعشێ یا ته‌رۆریست كرن كو تا نها ئه‌و رێخستن مه‌زنترین ومه‌ترسترین رێخستن د جیهانێ ده یه .
د ده‌ما هێزێن پێشمه‌رگه گهشتنه باكورێ كوردستانێ ب بلندكرنا ئالا كوردستانێ كوردێن باكور ب گول وچیچه‌كان پێشوازی ل پێشمه‌رگه‌یان كرن ، هه‌مان هه‌ست وهه‌لوێست ل جه‌م خه‌لكێ كۆبانێ بوو وپێشوازیێن گه‌رم ل وان كرن وكێفخوه‌شیا خوه ئانین زمان .
چوونا هێزێن پێشمه‌رگه ژ هه‌رێما كوردستانێ ژبۆ كۆبانێ وهاوار هاتنا ئێش وكولێن وێ ود ریا خاكا توركیێ ره رۆژه‌كه دیرۆكی یه كو كاریبوون ب هێزێن به‌شدار ره رێخستنا داعشێ ژ گوند وتاخێن داگیركری ده‌رخینن وناڤێ خوه د دیرۆكا كوردی تۆمار بكه وبچه‌سپینه كو تا نها ئه‌و رۆژ وه‌ك شانازییه‌كێ یه ل چار په‌رچێ كوردستانێ وكورد پێ سه‌ربلند وسه‌رئافرازن .
ش.ع
955
