مال وملكێن كوردان ل عەفرینێ تێنە دەستەسەركرن
آرك نيوز... ل گوندێ حسێ یێ ب سه‌ر ناڤچه‌یا مابه‌تا ڤه چه‌كدارێن ئە‌له‌مشات ده‌ستێ خوه دانی سه‌ر مال ومولكێن وه‌لاتیه‌كی كورد, ته‌ڤی كو برایێ وی د گوند ده دژی.
پشتی كو وه‌لاتیێ كورد حه‌نان مه‌نان عە‌بدۆ ژیانا خوه ژ ده‌ست دا, چه‌كدارێن ئە‌لعە‌مشات مالا وی و 6 دوكانێن بازرگانیێ ب زۆرا چه‌كان ده‌سته‌سه‌ر كرن, و ره‌د كرن كو ژ برایێ وی ره ڤه‌گه‌رینن.
ژێده‌را ئاركێ دایه زانین كو براێ وی ل گوند دژی, ته‌ڤی كو هه‌ولێن خوه دایه, لێ ئەو هه‌ول بێ سوود بوون.
تێ زانین كو ب هه‌زاران ره‌وشێن وه‌ها ژ ده‌سته‌سه‌ركرنا مولكێن كوردان ژ زه‌ڤیان, ئوتۆمبێلان, كارگه‌هان, گوڤاژگه‌هان, و دوكانان سه‌رباری مالێن كوردێن ل عە‌فرینا رۆژئاڤایێ كوردستانێ هاتنه تۆماركرن, پشتی كو كۆمیتا ڤه‌گه‌راندنا مافان هات ئاڤاكرن به‌شه‌ك بچووك هاتن ڤه‌گه‌راندن, لێ سالا بووری كۆمیتا ناڤبووری كارێ خوه راوه‌ستاند.
111
