ل دربێسيێ چه‌كدارێن په‌يه‌دێ به‌رپرسێ پێوه‌ندێن ده‌رڤه‌ يێ شه‌پێلا پێشه‌رۆژئا كوردى ره‌ڤاند

ArkNews :د به‌رده‌وامیا سیاسه‌تێن ره‌ڤاندن و بنچاڤكرنا چالاكڤان و ئه‌ندام و سه‌ركرده‌یێن ئه‌نجوومه‌نا نشتمانیا كورد ل سووریێ ئه‌نه‌كه‌سێ و كریارێن دووری مرۆڤاتیێ و ره‌وه‌شتێن كوردینیێ كو یه‌كرێزیا مالا كوردی بێهتر جودا و ژ هه‌ڤ دوور دخه‌ ...هه‌ری داویێ ژی
گرووپه‌كه‌ چه‌كدارێن په‌یه‌دێ عه‌بدوالحه‌مید ته‌مۆ به‌رپرسێ پێوه‌ندێن ده‌رڤه‌ یێ شه‌پێلا پێشه‌رۆژا كوردى ل سووریێ ره‌ڤاند .
د داخویه‌نیه‌كه‌ شه‌پێلا پێشه‌رۆژا كوردى ل سووریێ ده‌ كو ئۆفیسا راگهاندنێ به‌لاڤكریه‌ راگهاند كو گرووپه‌كه‌ چه‌كدارێن په‌یه‌دێ به‌رپرسێ پێوه‌ندێن ده‌رڤه‌ یێ شه‌پێلا پێشه‌رۆژا كوردى عه‌بدوالحه‌مید ته‌مۆ رۆژا یه‌كشه‌مێ ئێڤارێ د ده‌ما كو د خوست ژ باژارێ دربێسیێ یێ رۆژئاڤایێ كوردستانێ به‌ره‌ڤ مالا خوه‌ یا ل گوندێ الجنازیه‌ ڤه‌ بچه‌ ره‌ڤاند و تا نها چه‌ره‌نڤیسا وی نه‌دیاره‌ .
شه‌پێلا پێشه‌رۆژا كوردى د داخویه‌نیا خوه‌ ده‌ سلامتیا ئه‌ندامێ خوه‌ عه‌بدوالحه‌مید ته‌مۆ ژ په‌یه‌دێ خوه‌ست و گۆت كو ئه‌وو د به‌ر هه‌ر زراره‌كێ ده‌رحقێ ته‌مۆ ده‌ ده‌ به‌رپرسه‌ و داخوازا ئشكه‌ره‌كرنا چاره‌نڤیس و سه‌ربه‌ست به‌ردانا وی ب ئاوایه‌كی له‌زگین كر .
ته‌ڤلی گوهه‌رتنێن د ته‌رازۆیا هێزان ده‌ لسووریێ و هه‌رێمێ بگشتی تێنه‌ كرن و شكه‌ستنێن په‌یه‌دێ د هه‌ر جاره‌كێ و ل هه‌ر ده‌ڤه‌ره‌كێ ده‌ ل كوردستانا سووریێ ب تایبه‌ت ل عه‌فرینێ و نها ژی ژ منبجێ ڤه‌كشیا و تل رفعت ژی برێ ده‌یه‌ , و بریارا سه‌رۆكێ رێژێمێ به‌شار ئه‌لئه‌سه‌د كو ئه‌شكه‌ره‌ د ڤان رۆژێن بووری ده‌ ژ په‌یه‌دێ خوه‌ست كو ده‌ڤه‌رێن كو ده‌سته‌سه‌ركرنه‌ راده‌ستێ رێژێمێ بكه‌ ئانگۆ وێ هێزا خوه‌ بكار بینه‌ هه‌ر وه‌ها پێشه‌رۆژا بێ تو ده‌ستكه‌فتن پشتی قوربانیێن هه‌ری مه‌زن ژ خوینا جوانێن كوردان , هین ژی په‌یه‌دێ یه‌ك گاڤه‌كێ ب ئالیێ یه‌كرێزیا مالا كوردی ڤه‌ ب پێشڤه‌ نه‌ چوویه‌ و هین ژی گرتیگه‌ه و زندانێن په‌یده‌ێ ته‌ژی خه‌باتكار و چالاكڤانێن كوه‌ردن وهین ژی هن سه‌ركرده‌یێن ئه‌نه‌كه‌سێ و پارتیا ده‌موكراتا كوردستانا سووریێ وه‌ك به‌هزاد دۆرسه‌ن وعه‌بدالره‌حمان ئاپۆ و فۆاد ئیبراهیم وئدریس عه‌لۆ بنچاڤكرنه‌ و چاره‌نڤیسا وان دیارناكه‌ .

381