د سالا 2022 دە ئسرائیل ب دەهان ئێریش لسوریێ ئەنجام دانە

ارك نیوز.. ئارتیشا ئسرئیلێ د داخویانیەكێ دە راگهاند كو د سالا دووهەزار و بیست و دووان دە بالافرێن وێ یێن شەر ب دەهان ئۆپەراسیۆنێن ئەسمانی لناڤا خاكا سوریێ پێك ئانینە.

ئارتیشا ئسرائیلێ د داخویانیا خوە دە گۆت كو د ڤێ سالێ دە وان كاریە بریێا بالەفرێن خوە یێن شەر ئێریشان ببنە سەر ب سەدان ئارمانج لسوریێ سەرباری ئەنجامدانا ئۆپەراسیۆنێن لەشكەری یێن تایبەت.

داخویانیێ سەربار كر وگۆت ژی دناڤ وان ئارمانجان دە ئارتێشا ئسرائیلێ ب سەدان بارەگەهێن لەشكەری یێن بسەر مێلیسێن هێزین ئیرانی لسوریێ و عەمبارێن چەكان لسوریێ و بارهلگرێن باركری ب تەقەمەنی وچەكان یین بسەر حزباللها لوبنانێ لژێر ئۆپەراسیۆنا لەشكەری لسوریێ كو ناڤ لێ هاتبوو كرن شەری ناڤبەرا شەران دە ئەنجامدانە و ئەو جه و بارەگەه تێك برن و زیانێن مەزن ژی كەتنە.

ئارتێشا ئسرائیلێ د داخویانیا خوە دە جورێ ئارمانجێن كو هاتنە ئارمانجكرن لسوریێ د سالا دووهەزار و بیست و دووان دە ئەشكەرە ودیار نەكر.

هەر دڤێ دەربارێ دە وبتایبەتی د سەری ڤێ مەهێ دە سەرۆك ئەركانێ ئارتێشا ئسرائیلێ ئەفیف كووخافی ژ پەیمانگەها گازیت یا بسەر سیخویا ئسرائیلێ ڤە راگهاندبوو كو پرۆسەیێن وان یێن لەشكەری لسوریێ وێ بەردەوام بكە دریێا هەماهەنگی و پەیوەندیین لگەل روسیێ و گۆت ئەڤ پرۆسەیێن لەشكەری یێن هاتن ئەنجامدان دڤێ سالێ دە سەركەفتن د تێكبرنا پلانین ئیرانی دە ئانی.

هەروەها كووخافی دا زانین كو ئسرائیل گەلەك كارین وێ یێن دن لسوریێ هەنە و ئەوی پێك بینە و د ئەنجاما پرۆسەیێن لەشكەری یێن ئسرائیلی لسوریێ هەیشتێ ژ سەدی ژ ریێن قاچاغیێ یێن بەرژایی و ئەسمانی و دەریایی ژ ئیران بۆ سوریێ هاتنە كۆنترۆلكرن.

د داویێ دە سەرۆك ئەركانێ ئارتێشا ئسرائیلێ تەكەزی لسەر وێ چەندێ كر كو كارینا پەیوەندیێ لگەل روسیێ و وەرگرتنا ئەركرنێ ژ وێ ریێ ددە وان كو بەردەوامیێ ب ئێریشێن خوە یێن ئەسمانی لسەر خاكا سوریێ بینن.

292