ئاكار: ژبۆ ئەنجامدانا ئۆپەراسیۆنا سەربازی لسوریێ توركیێ مۆلەتێ ژ تو ئالیەكی وەرناگرە
ارك نیوز.. وەزیرێ بەرەڤانیا توركیا راگەهاند كو توركیا ژبۆ ئەنجامدانا ئۆپەراسیۆنا سەربازی ل دژی پەكەكە ویەپەگە ل سووریا مۆلەتێ ژ تو كەسەكی وەرناگرە.
خەلووسی ئاكار وەزیرێ بەرەڤانیا توركیا د چارچۆڤەیا هەڤدیتنەكێ دە ل گەل رۆژنامەیا ئای یەك ماساجیرۆ یا ئیتالی دە گۆت پەكەكە ئاساییشا توركیا خستیە بن مەترسیێ دە ، وتوركیا ژبۆ ئەنجامدانا پرۆسەیا سەربازی ل باكوورێ سووریێ پشتێ ب مادەیا پێنجی ویەكێ یا جارنامە ئانگۆ بریارێن نەتەوێن ژ بۆ بەرەڤانیكرنێ د بەر خوەدە یەكگرتی گرێ ددە.
وەزیرێ بەرەڤانیا توركیا گۆت كو پەكەكە ژ ئالیێ ناتۆ ، ویەكیتیا ئۆرۆپا وئەمریكا د لیستەیا تەرۆرێ دەیە، لەوما تەڤایا هەولێن كو تێدە دان تاكو پەكەكە ویەپەگە ژ هەڤ دووربكن سەرناكەڤن. ژبەر تو جوداهیەك ناڤبەرا وان دە نینە.
خەلووسی ئاكار جارەكە دن تەكەز كر كو تو كێشەیا توركیا ل گەل كوردان نینە، بەلكو توركیا ب تەنێ رێخستنا پەكەكە وباسكێن ب سەرڤە دكە ئارمانج، وپێویستە تەڤایا پشتەڤانیێ ل سەر پەكەكە وباسكێن وێ ل سووریێ وەرە راوەستاندن.
وەزیرێ بەرەڤانیا توركیا گۆتژی وەكە چاوە رێخستنا داعش نوونەراتیا موسلمانان ناكە، پەكەكە ژی نوونەراتیا كوردان ناكە وتوركیا تەكەزیێ ل سەر سەروەری ویەكپارچەییا سووریا دكە، وژمارەیەك مەزن یا وەلاتیێن سووریێ ل توركیا هەنە، وتوركیا پێشوازی ل وان كریە.
312
