قەسەدێ ل حەلەبێ زارۆكەكە كورد رەڤاند
آرك نيوز... ل تاخا شێخ مه‌قسوودا حه‌له‌بێ, هێزێن سووریا ده‌مۆقراتیك, قسدێ, زارۆكه‌كه كورد ره‌ڤاند, ژ رۆژا ره‌ڤاندنا وێ تا نها تو ئاگاهیه‌ك ل سه‌ر تونه یه.
لاڤین منله عوسمان, ژ به‌ریا 10 رۆژان واته 10ێ به‌رچله‌یێ ڤه, هاتیه ره‌ڤاندن, ته‌مه‌نێ وێ ب ته‌نێ 14 سالن.
ژێده‌رەكێ ژ تاخێ تایبه‌ت ژ ئاركێ ره دا زانین كو لاڤین ژ ئالیێ جوانێن شۆره‌شگه‌ر یێن ب سه‌ر قسدێ ڤه هاتیه ره‌ڤاندن, و زارۆك ژ شێنیێن گوندێ كورزێلێ یێ ناڤچه‌یا شێراوا یا هه‌رێما عە‌فرینا رۆژاڤایێ یه, ژدایكبوویا 2008انە.
ژێده‌رێ ئامه‌ژه ب وێ كر كو ته‌ڤی ده‌رباسبووما 10 رۆژان ل سه‌ر ره‌ڤاندنا وێ ره لێ هین ژی چاره‌نڤیسا وێ نه دیار ئە.
د سالا 2019ان ده مەزلووم كۆبانێ فه‌رماندارێ هێزێن سووریا ده‌مۆقراتیك قسدێ ب ڤێرجینیا گامبا, نوونه‌را نه‌ته‌وێن یه‌كگرتی یا كارووبارێن زارۆكان, ره لهه‌ڤتێگهشتنه‌ك ئیمزه كربوو تێ ده بریار هات دان كو ئێدی زارۆكان و نووجوانێن ژێر 18 سالی ته‌ڤلی قسدێ نه‌كن, هه‌روه‌ها زارۆكێن د ناڤا قسدێ ده سه‌ربه‌ست به‌ردن, لێ به‌رووڤاژی لهه‌ڤتێگهشتنێ تا نها ره‌ڤاندنا زارۆكان ژ ئالیێ جوانێن شۆره‌شگه‌ر ڤه به‌رده‌وام دكه, هه‌ر ده‌م و ده‌مه‌كێ ده مەزلووم كۆبانێ جڤینان ب وان ره ئەنجام دده.
ش.ع
155
