شانده‌ك ژ ئه‌نجومه‌نا عه‌فرینێ سه‌ره‌دانا ئۆفیسا په‌یوه‌ندیێن نشتیمانی یا پ د ك-س كر
دوه پێنشه‌مێ 25.10.2018ان, شانده‌ك ژ ئه‌نجومه‌نا عه‌فرینێ یا سڤیل ل ده‌رڤه سه‌ره‌دانا ئۆفیسا په‌یوه‌ندیێن نشتیمانی یا پارتیا دیموقراتا كوردستان-سوریایێ كر.
شاند ژ ئالیێ هه‌ر یه‌ك ژ ئه‌ندامێ پۆلیتبیرۆیا پارتیا دیموقراتا كوردستان-سوریا و سه‌رۆكێ ئۆفیسا په‌یوه‌ندیێن ده‌رڤه یا ئه‌نجومه‌نا نشتیمانی یا كوردی ل سووریێ, كامیران حاجۆ, و ئه‌ندامێ كۆمیتا ناڤه‌ندی و به‌رپرسێ ئۆفیسا په‌یوه‌ندیێن نشتیمانی یا پارتیا دیموقراتا كوردستان-سوریایێ, سه‌عید عومه‌ر ڤه هات پێشوازیكرن.
د جڤینێ ده, به‌حسا ره‌وشا نها یا ناڤچه‌یا عه‌فرینێ و پێشه‌رۆژا وێ, پێشهاته و رێكه‌فتنێن ده‌ربارێ چاره‌سه‌ركرنا كریزا سووریێ, و چاره‌نڤیسا عه‌فرین و ناڤچه‌یێن كوردستان-سوریا د چارچۆڤه‌یا وان رێكه‌فتنان ده هات كرن, هه‌روه‌ها هه‌ردوو ئالیان نه‌رینێن خوه ده‌ربارێ عه‌فرینێ ده‌ربراندن.
شاند ژ سه‌رۆكێ ئه‌نجومه‌نا عه‌فرینێ یا سڤیل ل ده‌رڤه ئبراهیم كۆرش, جیگرێ سه‌رۆكێ ئه‌نجومه‌نێ فه‌رید ره‌شید و ئه‌ندامێ ئه‌نجومه‌نا رێڤه‌بر ریاد ئه‌حمه‌د پێك دهات.
326
