چین داخوازا ڤەكشانا هێزێن ئەمەریكا ژ سوریێ دكه

ارك نیوز .. ناكوكی و ململانیا ناڤبەرا ئەمەریكا و چینێ دەربارێ تایووان ، دۆسەیا سوریێ ڤەگەراندن سەر ماسێ و بوو جهێ گوهدانێ لجەم چینێ ، و ئەڤە دووم جارە چین داخواز ژ ئەمەریكا كریە كو هێزێن خوە ژناڤا خاكا سوریێ ڤەكشینە.

د دەما داویێ دە و د هەیاما دوو مەهان دە ئەڤە دووەمین جارە وەلاتێ ژینێ بحسا دەستوەردانا ئەمەریكا د سوریێ دە دكە و هەبوونا ئەمەریكا د سوریێ دە ب نەرەوایی بناڤ كر و گۆت پێویستە ئەمەریكا هێزێن خوە ژ سوریێ ڤەكشینە.

تشاو لی جیان بەردەڤكێ وەزارەتا دەرڤەیا چینی د كۆنگرەكی رۆژنامەڤانی دە راگهاند كودەما كو رێژیما سوریێ هەول دەە خوە ژڤێ كریزا كو ئەڤە یازدە سالن بەردەوامە دەرخینە و چاریەكێ ببینە ئەمەریكا د تالانكرنا سوریێ دە بەردەوامە كو ئەڤ دەستوەردانا ئەمەریكی و تالانكرنا كو دكێ تشتەكی پر خرابە و جهێ مەترسی و فكاریە.

لی جیان سەربار كر وگۆت كو ئەمەریكا سامانێن سوریێ ژ پەترۆل و غاز و گازا سروشتی و داهاتێن دن خستیە بن كۆنترۆلا خوە دە و دەست دانیە سەر و ب رێژەیا هەیشتێ لسەر سەد ژ بەرهەمێن پەترۆلا سوریێ ددزە و گۆت پێویستە ئەمەریكا داویێ ب هەبوونا خوە یا لەشكەری یا نەرەوا و پرۆسەیین خوە ل سوریێ بینە و لڤ و تەڤگەر و تەدابیرین خوە یێن تەك ئالی راوەستینە.

ئەڤ داخویانیێن بەردەوڤكێ وەزارەتا دەرڤەیا چینێ هات پشتی كو ریژیما ئەسەد دەستوەردانا ئەمەریكا د كاروبارێن چینێ دە و پشتەڤانیا خوە ژ پرەنسیپا چینا یەكپەرچە هات كو یەك یەك نیشانا وێ چەندێ ژی ددە خویاكرن كو وەلاتێ چینێ د دەما نها دە هزرا وێ یەكێ دكە كوتەڤی سزایێن لسەر ریژیمێ چین هزرا وەبەرهینانێ لسوریێ دكە.

لسەر ڤێ یەكێ رامی بدوی لێكۆلینەر د زانینگەها زانست و تكنۆلۆجیا دە ل چینێ هەلوێست و داخویانیێن چینێ دەربارێ سوریێ ب پێشهاتەیێن تایوانێ ڤە گری ددە بتایبەتی پشتی كو ئەمەریكا چەك پێشكێشی تایوان كر دبیژە نها وەلاتێ چینێ هەولا بكارئانینا كاغەزین سیاسی یی پەیداكری ژبۆ راوەستاندنا دەستوەردانا ئەمەریكا د تایوان دە راوەستینە دكە و هەر وەلاتەك كو دستوەردانێ دڤێ دۆسەیێ دە دكە چین تعاملا وەلاتەكی داگیر كر لێ تەماشە دكە و وەلاتیێ سوریێ یەك ژ وان دۆسەیانە كو چین دڤێ یەكێ دە دكارە فشارێ ل ئەمەریكا بكە ژبەر هەبوونا وێ یا لەشكەری ل سوریێ بتایبەتی ل باكوری رۆژهەلاتێ سوریێ و دبیژە هەبوونا ئەمەریكا گهشتیە ئاستەكە نەرازیبوونێ ل تایوان د نەرینا بكین دە لەوما چین ڤان لێدوانان دەردخە و هەلویستێن خوە دیار دكە.

ل ئالیەكی دن و بتایبەتی دەربارێ هەڤكاریا ناڤبەرا چین و روسیێ دە سەبارەتی رژدبوونا روسیا ژ دەرخستنا تەڤایا هێزێن بیانی یێن نەرەوا ژ سوریێ كو چین پشتەڤانیا ڤێ داخوازا روسی دكە لیكۆلینەری سوری د زانینگەها جۆرج واشنت دە ردوان زیادە دبێژە تەڤی تێكلی و هەڤكاری وپەیوەندیێن خورت ناڤبەرا هەردوو وەلاتان دە لێ هەڤپەیمانیەك استراتیجی مەزن ناڤبەرا روسیا و چینێ دە هەیە ولگۆری ڤێ هەڤپەیمانیێ كو د بەشەكی دە هاتیە كو هەر ئالیەك پشتەڤانیا ئالیی دن د هەلویستین ناڤدەولتی دە بكە ژبەر ڤێ یەكێ چین پشتەڤانیا هەلوێستا روسیا د سوریێ دە دكە و پشتەڤانیا داخوازا روسیا یا هەردەم دەرباری دەرخستنا تەڤایا هێزێن بیانی یێن لسوریێ بتایبەتی ئەمەریكا دكە.

سەربارەتی وەبەرهینانا لسوریێ و ئەگەرا دەرباسبوونا چینێ ژ هێلا وەبەرهینانێ لسوریێ لیكۆلینەر رامی بدوب ڤێ یەكێ دوور دبینە ژبەر كو وەلاتیێ سوریی سزا لسەر هەنە لەوما ئەگەر هەیە زیان بگهێ چینێ ژبەر كو پەیوەندیێن بازرگانی ناڤبەرا ئەمەریكا و چینێ دە هەنە و ئەڤ یەك مەترسیی لسەر كۆمپانیێن چینێ دروست بكە لەوما چین گوه نادە وەبەرهینانێ دسوریێ دە و ل هەمەە ناڤچەیێن ناكوكدار.

بدوی گۆت ژی ئەگەر ئەمەریكا هێزێن خوە ژ سوریێ ڤەكشینە ، د وێ دەمی دە ژی چین تو پێنگاڤەكێ دەرباری وەبەرهینامنێ لسوریێ ناڤیژە.


ژ دەما كو شۆرشا سوریێ ژ سالا دووهەزار و یازدەهان دە دەستپێكریە و تا رۆژا ئیرۆ ژین د هەولوێستا خوە دە دەرباری پشتەڤانیا ریژیما ئەسەد دە بەردەوامە و هەلویستا خوە نەگوهەرتیە و د پشتەڤانیا سیاسی ژبۆ ریژیم و هەڤپەیمانیێن وێ رە بەردەوامە.

185