لسەرانسەری سوریێ رۆژانە سڤیل ژبەر تەقیا پاشمایێن شەر دبنە قوربانی

ارك نیوز .. بسەدەما تەقینا پاشمایین شەر ل ناڤچەیێن جودا جودا لسوریێ رۆژانە وەلاتیین سڤیل كو زارۆك و ژن ژی دناڤ واندە هەنە دینە قربانی و جانێ خوە ژ دەست ددن كو تا نها ب سەدان سڤیل بوونە قربانیێن ڤان مایین و بۆمبەیێن چاندی.

رەوانگەها سوریێ یا مافێن مرۆڤان راپۆرتەك دڤێ دەربارێ دە بەلاڤ كر و تێدە داوین ئامارێن قربانیێن پاشمایێن شەر لسوریی ئەشكەر كر.

رەوانگەهێ د راپۆرتا خوە دە دبیژە رۆژانە ل ناڤچەیێن جودا جودا لسوریێ مایین و بۆمبەیێن چاندی ژ پاشمایێن شەر تێنە تەقاندن و سڤیل دبنە قربانی كو ژ دەستپێكا سالێ و تا رۆژا ئیرۆهەژمارا كەسێن كو جانێ خوە ژ دەست دانە بسەدەما پاشمایێن شەر گهشتیە 176 سڤیلی.

لگۆری بەلگەكرنا رەوانگەهێ د مەها ئەیلۆنێ دە واتە د هەیاما شەش رۆژان دە دەه سڤیل كو 10 ژوان زارۆكن جانێ خوە ژ دەست دانە ، سەرباری برینداربوونا 2 زارۆكێن دن.

وسەربار كر كو د مەها تەباغێ دە 18 كەسان كو پرانيا وان زارۆكن جانێ خوە ژ دەست دانە هەروەها 27 كەسێن دنژی برینداربونە.

د مەها تیرمەهێ دە 20 كەس دناڤ واندە 14 زارۆك هەنە جانێ خوە ژ دەست دانە و 30 كەسێن دنژی برینداربوونە.

د مەها حزێرانێ دە 16 سڤیل ژوێ هەژمارێ 4 ژن و 8 زارۆكن جانێ خوە ژ دەست دانە سەرباری برینداربوونا 65 كەسێن دن .

د مەها گولانێ دە 19 وەلاتیێن سڤیل كو دوو ژن و هەیشت زارۆك دناڤ واندە هەبوون جانێ خوە ژ دەست دان و 22 كەسین دنژی برینداربوونە .

د مەها نیسانێ دە ژی 19 كەس بوونە قربانیا تەقینا مایین و بۆمبەیێن چاندی و جانێ خوە ژ دەست دانە كو ژوێ هەژمارێ 2 ژن و 8 زارۆكن سەرباری برینداربوونا 22 كەسین دن .

د مەها ئادارێ دە هەژمارا قربانیین پاشمایین شەر ل سەرانسەری سوریێ گهشت 29 كەسان ژوان 12 زارۆك بوون جانێ خوە ژ دەست دان ، هەروەها 29 وەلاتیێن سڤیل یێن دن ژی برینداربوونە .

د مەها سباتێ دە 33 كەس دناڤ واندە 16 زارۆك و 2 ژن بوونە قربانیا تەقینا پاشمایێن شەر و جانێ خوە ژ دەست دانە و 37 كەس ژی برینداربوونە .

د مەها چلەیا ئیسال دە ژی 11 سڤیل ژیانا خوە ژ دەست دانە و 17 ژی برینداربونە.

رەوانگەهێ گۆت ب ڤی یەكی هەژمارا گشتی یا قربانیین پاشمایین شەر ل سەرانسەری سوریێ ژ دەستپێكا ئیسال ڤە و تا رۆژا ئیرۆ دگهیژە 176 سڤیلی سەرباری برینداربوونا 255 كەسێن دن.

198