ئەردۆغان: پێویستە سوریێ بزانبە توركیێ گرنگیێ ددە یەكپەرچەبوونا خاكا سوریێ

ارك نیوز .. سەرۆكێ توركیێ راگهاند كو پێویستە پێنگاڤن پێشكەتی لگەل سوریێ وەرنە ئاڤێتن ژبۆ تێكبرنا پلانێن كو هاتنە دارێژتن ل دەڤەرێ و تەكەزی لسەر یەكپەرچەییا خاكا سوریێ كر .

رەجەب تەیب ەردۆغان سەرۆك كۆماری توركیێ دەما كو ژ ئۆكرانیا ڤەدگەریا توركیێ دناڤا بالەفرێ دە ژ رۆژنەماڤانان رە راگهاند كو جاڤێ مە نە لكۆنترۆلكرنا خاكا سوریێ یە و ئەم لگەل یەكپەرچەییا خاكا وی وەلاتی نە وپێویستە ریژیما ئەسەد ڤێ یەكێ بزانبە .

ئەردۆغان سربار كر وگۆت ژی ژبۆ تێكبرنا پلانێن كو هاتنە دارێژتن ل دەڤەرێ دڤێ پێنگاڤێن پێشكەتی لگەل سوریێ وەرنە ئاڤێتن ورژدبوونا وەلاتێ خوە لسەر یكپەرچەییا خاكا سوریێ نیشان دا.

سەرۆك كۆمارێ توركیێ سەربار كر وگۆت ژی هەردەم توركیێ بەشەكبوو ژ چارەسەریا سوریێ رە و توركیێ ب بەرپرسیارانە تعامل لگەل سوریێ كر و ئارمانجا مە ئەوە پاراستنا ئاشتیا هەریمی و پاراستنا توركیێ یە ژ هەر گەفەكە مەترسیدار رە بسەدەما كریزا سوریێ .
هەروەها ئەردۆغان ژ رۆژنامەڤان رە تەكەزی لسەر وی چەندێ ژی كر وگۆت ب بێ دوو دولی ئەمەریكا و هەڤپەیمانیا ناڤدەولتی پشتەڤانیا تەرۆرێ لسوریێ كرن و تا رۆژا ئیرۆ بەردەوامن لسەر ڤێ پشتەڤانیێ و هەردوو ئالی پشتەڤانی سەرەكەنە ژ تەرۆرێ رە لسوریێ .

ئەڤ گۆتنێن سەرۆك كۆمارێ توركیێ د دەمەكێ دە تێ كو پیش وەخت رەجەب تەیب ئەردوغان د كۆنگرەیێ 13 ان یێ بالیۆزێن توركیا كو ل ئەنقەرە هاتبوو ل دارخستن راگەهاندبوو كو توركیا وێ تەڤایا ناڤچەیێن ئارام ل باكوورێ سووریێ د دەمەكە نێزیك دە ب هەڤرە گرێ بدە.

گۆت ژی كو توركیا وێ باكووریێ سووریێ ژ پەكەكە وباسكێن وێ پاك بكە وهینا بریارا ئاڤاكرنا ناڤچەیەكە ئارام ب كووراهیا 30 كیلۆ متری ل باكوورێ سووریێ ل دارە.

و نابە یەك وەلاتێ هەڤپەیمانیا ناتۆ ببە پەناگەهەك ژ بۆ سەركردە وئەندامێن پەكەكە، وپێویستە ئەو كەس بۆ توركیا وەرنە رادەستكرن.

پشتی ب داوی هاتنا لووتكەیا سووچی ودەما كو رەجەب تەیب ئەردوغان سەرۆكێ توركیا ڤەگەریا د ناڤا بالەفرخانەیێ دە ژ رۆژنامەڤانان رە گۆت كو سەرۆكێ رۆسیا داخواز ژێ كریە كو ل گەل رژێما ئەسەد هەماهەنگیێ بكە و تەكەزی ل سەر وێ چەندێ كریە كو ئەو ل گەل توركیا یەك هەلوێستە كو تەرۆر ل سووریا ب داوی وەرە , وژ بۆ ڤێ چەندێ پێویستە تركیا ل گەل حكوومەتا بەشار الاسد رێكەفتنێ بكە.

سەرۆكێ توركیا گۆتژی كو دەزگەهێن هەوالگریا سووریا وتوركیا د ڤێ دەربارێ دە هەماهەنگیێ دكن, وبەردەوامن د كارێن خوەدە , وپێویستە تەڤایا باسكێن پەكەكە ل سووریێ نەمینن.

هەروەها ژ ئالیێ خوە ژی خەلووسی ئاكار وەزیرێ بەرەڤانیا توركیا راگەهاندبو كو ئامادەكاری ژبۆ ئەنجامدانا ئۆپەراسیۆنەكە لەشكەریا نوو ل ناڤا خاكا سووریێ نێزیكبوونە ژ بداوی بوونێ ، وب تەنێ قۆناغەكە بچووك ژ ئامادەكاریان مایە تاكو ئۆپەراسیۆنا لەشكەریا توركیا ل باكوورێ سووریێ وەرە ئەنجامدان.

وگۆت توركیا 9 مەلیۆن سووری دپارێزە وكار ژبۆ پێشكێشكرنا ئاسانكاریان ژ بۆ ژیانا وان دكە، وتوركیا وێ وان ناڤچەیێن ل ناڤا خاكا سووریێ كۆنترۆل كرنە بكە ناڤەندەكە بالكێش ژبۆ سووریێن ل توركیا دمینن، ویێن كو توركیا وان دپارێزە.

518