رادهستكرنا تل رفعهت ل بهرامبهر دهڤهرێن رۆژئاڤاێ سوريێ تێ گهنگهشهكرن
هن ناكۆكي ل سهر باژارۆكێ تل رفعهت يێ پارێزگهها حهلهبێ د ناڤبهرا روسيێ وئيرانێ ده دهركهت راوهنگا سوري يا ماڤێ مرۆڤان ل سهر زارێ ژێدهرا خوه راگهاند كو ناكۆكي ل سهر رادهستكرنا باژاروكێ تل رفعت ل بهرامبهر هن دهڤهرێن گرنيك وستراتيجي ل روژئاڤاي سوريێ دهركهتيه.
راوهنگههێ ل سهر مالپهرا خوه تهكهز كر كو ناكوكي د ناڤبهرا هيزێن روسيێ و مليسێن ئيرانێ ل سهر تل رفعتا كو 2016 ڤه ژ دهستێ چهكدارێن ئوپوزسيونا دهركهتيه چێبوو.
د هرگوليێن ناكوكيێ ده كو هێزێن روسيێ ههولدده تل رفعت بهرامبهر ڤهكشانا چهكدارێن ئوپوزسيونا سوريێ ژ دهڤهرێن روژئاڤاي جسر الشغور دهشتا غابێ و گونداورێن لازقيێ دكه لێ ئهو يهك بوويه جهێ نهرازيبوونا مليسێن ئيرانێ كو د ئادارا بوري ژي ئيرانێ ل پێش دهرباسبوونا هێزێن توركيێ ژ تل رفعتێ ره راوستيا و گهڤ وفشارا لهشكهري دا كو ئهگهر هێزێن توركيێ دهرباسي تل رفعت ببن .
پشتي دهرباسبوونا حكومهتا توركيێ ژعفرينێ د 18ێ مهها ئادارێ سالا دووههزاران وههژدههان توركيێ بريار دا كو دهرباسبي تل رفعت ژي ببه لێ تا نها گهنگهشه ناڤبهرا ههردوو ئاليێن روسي وئيرانێ بهردهوامن .
ل گور راوهنگهها سوري يا ماڤێ مرۆڤان كو تا نها تو هێزێن توركيێ دهرباسي تل رفعت نهبوونه وپشتي ئيريشا عهفرينێ ئهو هێز ل دهردۆرا تل رفعت راوستيانه ونها چهكدارێن سوريا دهموقرات ومليسێن ئيرانێ و يێن رێژيما سوريێ تێده نه .
شێخۆ عهفريني
572
